SDHK-nr: 8544

Dilecto filio Conrado Campsoris archidiacono Warnensi in ecclesia(1) Zwerinensi salutem etc. Apostolice sedis circumspecta benignitas desideria iusta petencium congruo fauore prosequitur et votis eorum que a racionis tramite non discordant libenter se exhibit propiciam et benignam Cum itaque nuper tu per dilectum filium Odbernum (2 ) Johannis Lincopensis diocesis[,] a dilecto filio Henrico Bulleren tuo et in Romana curia procuratore ad hoc a te specialem potestatem habente substitutum[,] decanatum ecclesie(3) Zwerinensis et dilectus filius Johannes Junghe per seipsum archidiaconatum Warnensem in ecclesia predicta quos tunc temporis obtinebatis[,] cupientes eos ex certis racionabilibus causis inuicem permutare[,] in manibus dilecti filij Petri abbatis monasterij Montismaioris ordinis sancti Benedicti Arelatensis diocesis ex causa permutacionis huiusmodi apud dictam sedem duxeritis libere resignandos[,] jdemque abbas resignaciones huiusmodi de speciali mandato nostro facto sibi super hoc oraculo viue uocis apud sedem admiserit antedictam Nos volentes uotis tuis annuere fauorabiliter in hac parte dictum archidiaconatum eciam si dignitas existat et ad illum(4) consueuerit quis per eleccionem assumj et ei cura immineat animarum per huiusmodi resignacionem vacantem cum omnibus juribus et pertinencijs suis apostolica tibi auctoritate conferimus et de illo eciam prouidemus / decernentes prout est irritum et inane si secus super hijs a quoquam quauis auctoritate scienter uel ignoranter attemptatum forsan est hactenus uel contigerit imposterum attemptari Non obstantibus quibuscumque statutis et consuetudinibus ipsius ecclesie contrarijs juramento - - - processum Quibus omnibus in assecucione(5) archidiaconatus dicti te volumus anteferri sed nullum - - - generari Seu si venerabili fratri nostro episcopo et dilectis filijs capitulo Zwerinensi uel quibusuis alijs communiter uel diuisim a dicta sit sede indultum quod ad recepcionem - - - mencio specialis Aut si presens non fueris - - - illud prestes Seu quod in dicta Zwerinensi et in Lubiciensi ecclesijs canonicatus et prebendas nosceris obtinere Nostre tamen intencionis existit quod in archidiaconatu predicto per nos ut premittitur tibi collato ex collacione nostra huiusmodi nullum jus tibi quomodolibet acquiratur nisi tu et dictus Johannes tempore resignacionum huiusmodi jus haberetis in decanatu et archidiaconatu predictis per uos taliter resignatis Nulli ergo etc. nostre collacionis prouisionis constitucionis et voluntatis infringere etc. Datum Auinione vj . nonas julij anno secundoJn eodem modo Dilectis filijs .. Lubicensis et .. sancti Agricoli Auinioensis decanis ac.. thesaurario eiusdem Lubicensis ecclesiarum salutem etc. Apostolice sedis etc. usque taliter resignatis Quocirca discrecioni uestre per apostolica scripta mandamus quatinus uos uel duo aut vnus vestrum per uos uel alium seu alios eundem Conradum uel procuratorem suum eius nomine in corporalem possessionem archidiaconatus juriumque et pertinenciarum predictorum inducatis auctoritate nostra et defendatis inductum amoto exinde quolibet detentore[,] facientes ipsum uel dictum procuratorem pro eo ad ipsum archidiaconatum in eadem (6-) ecclesia Zwerinensi(-6) ut est moris admitti sibique de ipsius archidiaconatus fructibus redditibus prouentibus juribus et obuencionibus vniuersis integre responderi Non obstantibus omnibus supradictis Seu si eisdem episcopo et capitulo uel quibusuis alijs communiter uel diuisim ab eadem sit sede indultum quod interdici suspendi uel excommunicari non possint per litteras apostolicas non facientes plenam et expressam ac de verbo ad verbum de indulto huiusmodi mencionem Contradictores etc. Datum ut supra .