SDHK-nr: 8545

Dilecto filio Johannj Junghen decano ecclesie Swerinensis salutem etc. Apostolice sedis circumspecta benignitas desideria iusta petencium congruo fauore prosequitur et votis eorum que a racionis tramite non discordant libenter se exhibet propiciam et benignam . Cum itaque nuper tu per te ipsum archidiaconatum Warnensem in ecclesia Swerinensi et dilectus filius Conradus Campsoris per dilectum filium Odbernum Johannis clericum Lincopensis diocesis[,] a dilecto filio Henrico Bulleren . ipsius Conradi et in Romana curia procuratore ab eo specialiter constituto . substitutum . hec(1) specialem potestatem habebat(2) [,] decanatum ecclesie predicte[,] quos tunc temporis obtinebatis[,] cupientes eos ex certis racionabilibus causis inuicem permutare[,] in manibus dilecti filij Petri abbatis monasterij Montismaioris ordinis sancti Benedicti Arelatensis diocesis . ex causa permutacionis huiusmodi apud dictam sedem duxeritis libere resignandos . idemque abbas resignaciones huiusmodi de speciali mandato nostro facto sibi super hoc oraculo viue vocis apud sedem admiserit antedictam Nos volentes votis tuis annuere fauorabiliter in hac parte . dictum decanatum[,] qui licet dignitas non tamen maior post episcopalem existat tamen illum pro tempore . obtinens habet capitulum ipsius ecclesie conuocare[,] cuiusque fructus redditus et prouentus / octo marcharum argenti . valorem annuum ut asseritur non excedunt . eciam si ad illum consueuerit quis per eleccionem assumj . et ei cura immineat animarum[,] per huiusmodi resignacionem vacantem cum omnibus iuribus et pertinencijs suis apostolica tibi ut asseris in jure canonico studens(3) auctoritate conferimus et de illo eciam prouidemus[,] decernentes prout est irritum et inane si secus super hijs a quoquam quauis auctoritate scienter uel ignoranter attemptatum forsan est hactenus uel contigerit imposterum attemptari Non obstantibus quibuscumque statutis et consuetudinibus ipsius ecclesie contrarijs iuramento - - - processum Quibus omnibus in assecucione dicti decanatus te volumus anteferri sed nullum - - - generari Seu si venerabili fratri nostro .. episcopo et dilectis filijs capitulo Swerinensi uel quibusuis alijs communiter uel diuisim a dicta sit sede indultum quod ad recepcionem - - - mencio specialis Aut si presens non fueris - - - illud prestes Seu quod canonicatum et prebendam ecclesie predicte nosceris obtinere Nostre tamen intencionis existit quod in decanatu . predicto per nos ut premittitur tibi collato . ex collacione nostra huiusmodi nullum jus tibi quomodolibet acquiratur nisi tu et dictus Conradus tempore resignacionum huiusmodi jus haberetis in archidiaconatu et decanatu predictis per vos taliter resignatis Nulli ergo etc. nostre collacionis prouisionis et constitucionis infringere etc. Datum Auinione vj . nonas julij anno secundoJn eodem modo . Dilectis filijs .. decano sancti Agricoli Auinionensis et Johanni Burgermester Lubicensis ac Jahannj Treyerow Verdensis ecclesiarum canonicis salutem etc. Apostolice sedis etc. usque resignatis Quocirca mandamus quatinus vos uel duo aut vnus vestrum per vos uel alium seu alios . eundem Johannem uel procuratorem suum eius nomine in corporalem possessionem decanatus iuriumque et pertinenciarum predictorum inducatis auctoritate nostra et defendatis inductum amoto ab eo quolibet detentore[,] facientes ipsum uel dictum procuratorem pro eo . ad eundem decanatum ut est moris admitti sibique de ipsius decanatus fructibus redditibus prouentibus iuribus et obuencionibus vniuersis integre responderi Non obstantibus omnibus supradictis Seu si eisdem episcopo et capitulo uel quibusuis alijs communiter uel diuisim a dicta sit sede indultum quod interdici suspendi uel excommunicari non possint per litteras apostolicas non facientes plenam et expressam ac de uerbo ad uerbum de indulto huiusmodi mencionem Contradictores auctoritate nostra etc. Datum ut supra .