SDHK-nr: 3915

Omnibus presens scriptum cernentibus. Johannes hemmingsson. salutem in domino. Nouerint vniuersi me cum Honorabili viro. domino Laurencio canonico vpsalensi, cambium prediorum fecisse in hunc modum. videlicet tredecim solidos terre jn humblestum parochia løøth. pro septem solidis terre in hæ mistum parochia bughløsu. vnam oram terre in aby parochia lithlene. duos solidos terre in thiegnaby parochia løøth, et vnum solidum terre in ledhungaby parochia waldby, sub vero cambio secundum leges terre. vndecim uero solidos terre in dicta villa humblestum. cum domibus et omnibus attinenciis infra sepes uel extra, prope uel remote positis nullo excepto. predicto domino laurencio suisque heredibus. iure perpetuo possidendas (!) aproprio et dimitto. pro quibus vndecim solidis terre, prout me contentum reddo, plenum precium recognosco me leuasse. et si predictam marcham terre quoquo modo per propinquos meos uel aliquos alios euinci uel inpediri contingat, volo quod eidem domino laurencio vna marcha terre in lundby parochia husaby, loco predicte cedat perpetuo ut prius possidenda. jn cuius rei testimonium sigillum meum vna cum sigillis discretorum virorum. domini petri curati in walum. et petri olaui de lyns wik, presentibus est appensum. Datum anno domini. M°. CCC°. XXX° secundo. feria sexta post festum vndecim milia virginum.