SDHK-nr: 4726

Omnibus presentes litteras inspecturis Johanries skiærungxson ramburgis et Helena sorores et Johannes Johannis nepos eorundem salutem in domino sempiternam Tenore presencium pateat vniuersis. nos reuerendis et religiosis sororibus dominabus. abbatisse et conuentui ordinis sancte clare apud stokholmis pro dilecte sororis nostre ingridis. introitu et prebenda. ordinem predictum desiderantissime affectantis. dimidiam marcham terre, in villa swdherby. parochie thorsaker. cum omnibus mobilibus et inmobilibus. infra sepes et extra longe uel prope positis. quo ad exhibicionem annuam dictam. afredh. legaliter dimisisse. donec in equiualenti dimidia marchata terre. eisdem dominabus. quo ad valorem annuum et solucionem. in pecunia et annona legali. prout contentas se reddiderint poterimus prouidere Pro huiusmodi vero contentacione finali reuerendos et discretos viros. dominos frenderum et Halstanum canonicos strengenenses. fratrem Johannem custodem stokholmensem. sunonem halstenzson aduocatum castri stokholmensis et gudthormum eius suffectum estimatores et taxatores absque omni contradiccione et reclamacione in posterum efficaciter deputamus. ratum et gratum perpetuo habituri quicquid per prenominatos actum gestum seu ordinatum fuerit in premissis Jn quorum omnium euidenciam pleniorem nos ramburgis Helena et johannes johannis quia propriis sigillis non vtimur sigilla dominorum. canonicorum et aduocatorum predictorum cum sigillo johannis skiarungxson fratris nostri karissimi petimus presentibus apponenda Datum stokholmis. anno domini M°. CCC°. XL° . primo dominica proxima post exaltacionem sancte crucis.