SDHK-nr: 5393

Omnibus presentes litteras inspecturis, Jngualdus rector ecclesie in widhbohærdæ. salutem in domino sempiternam. Presencium tenore protestor manifeste. me viris discretis, domino ludolpho Capellano domini thidemanni dicti guzstrowæ consiliis lybicensis, et iohanni kastel procuratoribus honorabilium virorum, Johannis geysmer pie memorie, et generi sui thidemanni dicti guzstrowæ predicti, vnum solidum terre, in villa kymmelinghe sita, parochia spanghæ, vpsalensis dyocesis, per industriam meam acquisitum, cum omnibus suis pertinenciis et adiacenciis, scilicet. pratis. pascuis. et aquis, ac aliis quibuscunque, infra sepes et extra, prope vel remote positis, nullis penitus exclusis, ad vsus cuiusdam Capelle, in ecclesia parochiali beati nycolai stokholmis, ex parte memorati iohannis geysmer fundate, pro decem marchis sweuorum denariorum, quam quidem pecunie summam, ab ipsis integraliter subleuaueram, secundum leges patrie in publico placito dicto grænbythingstad parochia spanghæ, dictum solidum terre vendidisse, transferens in personas procuratorum narratorum, emencium et recipiencium prefatum solidum terre, ad vsus prenotate Capelle, plenum ius, ac proprietatis dominium, eiusdem solidi terre, ut eidem Capelle, diuino cultui, et personis que in dicta capella pro tempore seruierint cedant, perpetuo possidenda. Obligo igitur me et heredes meos, nunc et alias, ad apropriandum. et defendendum huiusmodi solidum terre, per me taliter venditam, ad vsus capelle prenominate, contra omnem inpedientem et turbantem dictam capellam, seu personas in ea seruientes, quominus quiete valeant ipsum solidum terre sepedictum et pacifice possidere. et si quod absit euictus fuerit, promitto me restituturum, vel heredes meos, pecuniam receptam, pro tali solido terre euicto, sine contradiccione vel dilacione aliquali, sub verbo fidei et sacerdotali. Acta sunt hec in pretacto publico placito grænbythingstad, adhibitis in hiis testibus secundum leges et consuetudines patrie wlgariter dictis fastæ. videlicet berone olafson in vlphsundæ. nycholao clementis. anundo domæræ in heslæby. botholpho in knekestum. ingualdo in yruæ. gunnaro ibidem. moyse in bælstæ. rangnero in runby. erico in bakarum. iohanne ibidem. andrea in akarlæ. martino ibidem. olauo in kumblaby. petro haquini. Stephano in wellingæby. nycholao in gilbærghum. nycholao in stene. kanuto in kalphsældum. thorstano in hæsistum. laurencio in sundhby. clemente in hærsaby. holmstano in nørum. ingimaro in eneby. et katilberno in rughsta, ac aliis quamplurimis fidedignis, Anno domini. M°. CCC°. XL:mo septimo. sabbato Jnuocauit. Jn premissorum omnium lucidius testimonium sigillum meum presentibus est appensum.