SDHK-nr: 7317

Omnibus presens scriptum cernentibus Benedictus Philpusson miles . Birghittæ Karls dottyr vxor sua ac Mæritta Karls dottyr salutem in Domino sempiternam . Vniuersis tam posteris quam modernis volumus esse notum nos viris relligiosis fratri Thordonj priori monasterij Eskilstuna et suis fratribus ibidem predia infrascripta videlicet dimidiam marcham terre in Sundby parochie Malma / duas oras terre in Næsi parochie Dunkir / quinque solidos terre in Flaxta parochie Fors / jn Hætestum duos(a) solidos terre jn Bronastum(b) dimidiam oram terre eiusdem parochie / jn Skenestum xiii (cim) denarios terre cum omnibus eorum attinencijs videlicet agris / pratis / pascuis / siluis / molendinis ac molendinorum locis / in humidis et siccis / intra sepes et extra / siue metas / qualitercumque nominatis / nullis penitus . exceptis / pro sexcentis triginta marchis denariorum / in quibus eisdem tenebamur / omnium legum patrie sanccione seruata / irreuocabiliter et imperpetuum possidenda dimisisse / Si quid istorum bonorum predictorum pro dictis / priore / et suis fratribus vnquam impeti seu impediri contigerit / astringimus nos et heredes nostros ipsis satisfaccionem competentem et debitam absque(d) reclamacione qualibet reddituros / et indempnes(e) penitus conseruare. Jn cuius rei testimonium et maiorem certitudinem . sigilla nobilium virorum et dominorum silicet Nicholai Abiornson / Gøtstaui Aruidson . Magni Gislason . Karoli Wlfson et Magni Sturæ / militum vna cum propriis presentibus petimus apponenda. Datum et actum in Ekeby Sela anno ab incarnacione Domini M°cccloctauo feria quarta ante dominicam medie Quadragesime.