SDHK-nr: 16623

Nos Rupertus et nos Johannes, Dei gratia comes palatinus Rheni et dux Bavariæ, celsissimi nostri dilecti domini et patris, Romanorum regis filius, agnoscimus ac notum apertumque facimus præsentes litteras inspecturis, nos nobili Hadmaro, domino in Laber, Johanni Truchsesio de Baldersheim, equitibus, et Conrado Castener, nostro scribæ, provinciæ Ambergensis, nostris consiliariis ac dilectis fidelibus, plenariam et integram potestatem concessisse negotiandi, tractandi et concludendi circa desponsationem et matrimonium inter nos antedictum ducem Johannem ex una et illustrem virginem Catherinam, serenissimæ principis dominæ Margaritæ, reginæ Sueciæ, Daniæ et Norvegiæ neptem, et serenissimi principis, domini Erici, regis Sueciæ, Daniæ et Norvegiæ sororem ex altera parte, uti et circa dotem, dotalitium et redotationem et circa omnia alia puncta, quæ ad talem desponsationem et matrimonium spectant, et quidquid ad hæc necessarium, utile et accommodatum esse possit, quæque memorati nostri consiliarii negotiati fuerint, tractarint atque concluserint, hæc nos rex Rupertus et dux Johannes firmissime tenebimus et citra fraudem ac dolum adimplebimus juxta tenorem præsentium nostro sigillo munitarum, datarum in castro nostro Heidelbergæ, anno Domini millesimo quadringentesimo sexto, regni vero nostri anno sexto. Ad mandatum domini regis.Job Vener.