SDHK-nr: 4037

Omnibus presentes litteras inspecturis johannes hæminsson salutem in domino sempiternam, Recognosco per presentes me discreto viro domino laurencio nicholai canonico wpsalensi tredecim solidos terre in villis infra scriptis vidilicet(!) in aaby parochia litlene vnam oram terre in thægnaby parochia løth duos solidos terre, in ledunggaby vnum solidum terre parochia walby et in hæmistum parochia bogløso septem solidos terre quos ab eodem domino laurencio, sub vero titulo concambii et emcionis habui prediorum Prout in litteris meis quas super hoc habet plenius continetur, jpsi eciam domino laurencio inpignoratos per me et secundum leges patrie in termino michi per eundem prefixo per me vel cognatos meos legaliter in pretorio exhibitos et non redemptos et sibi iuxta leges patrie adiudicatos pro certo precio dimisisse perpetue possidendos Pro quibus eciam tredecim solidis terre recognosco me plenum precium habuisse in pecunia numerata, Renuncians eciam omni dolo vel fraude [d.v.s.: -di] pecunie non habite per iuramentum meum, Jpsos igitur tredecim solidos terre predictos eidem laurencio approprio nullo excepto et eredibus (!) suis perpetuo possidendos, Jn cuius rei testimonium siggilla discretorum virorum domini gerardi de enecopia, petri de lønsuik vna cum meo me petente presentibus sunt appensa, Datum anno domini M° CCC° XXX° IIII dominica Letare.