SDHK-nr: 2359

Omnibus presentes litteras jnspecturis Johannes dictus angelus. Salutem in domino sempiternam. Cum nemini obesse immo pocius prodesse quouis iure debeat, Quod se diuinis specialius astringit obsequiis et religioni mancipat propter christum. Jdcirco Ego Johannes dictus angelus karissimum germanum meum fratrem Jsraelem priorem sictuniensem Ordinis predicatorum, meum verum et legittimum constituo heredem si mihi superuixerit, quod ius nisi se religioni reddidisset sibi nunc simpliciter competeret et perfecte. Testes autem huic mee ordinacioni ad hoc specialiter vocati sunt hii. dilecta consors mea. Religiosi viri. Lector strengenensis frater skieldolphus. frater asmundus frater Ericus frater Johannes eiusdem conuentus. frater albertus sictuniensis. dominus benedictus vicarius meus necnon Johannes biernason. ketillus prouisor bonorum meorum. Johannes kulli. jacobus, Johannes brun, petrus letta. sixtanus, ac alii plures fidedigni jn cuius rei robur et euidenciam pleniorem sigillum meum. et sigillum dilecte consortis mee, necnon et sigillum fratris skieldolphi lectoris strengnensis, presentibus sunt appensa. Sigillum quoque venerabilis patris domini Nicolai dei gracia archiepiscopi vpsalensis presentibus apponi peto vmiliter et instanter. Datum Edbythorsn Anno domini. M°. CCC° decimo. sexto jdus Junii.