SDHK-nr: 9967

Vniuersis presentes litteras inspecturis seu audituris . Karolus Wlfson regni Suecie mara-scallus ac Vplandiarum legifer sinceram in Domino dileccionem cum salute . Quoniam(a) nobilis et reuerendus vir - dominus Rangwaldus Petri de Thorstwnom . vna mecum et ego cum ipso . ex consensu et consilio venerabilis patris dominj Birgheri diuina prouidencia archyepiscopi Vpsalensis . et eius capituli . fundauimus quandam canonicalem prebendam in ecclesia Vpsalensi . ad cuius(b) prebende fundacionem et ampliacionem . do et assigno . bona mea videlicet duas marchas terre in Terff parrochie Knifstæ . septem oras terre . vno solido minus in Krum-sta parrochie Thedhæ . sex solidos terre in Hæræsteen et Hæstængiom et vnam marcham terre in Ladhughe . parrochie Tyllinge . cum omnibus eorundem bonorum pertinenciis nullis penitus exceptis in perpetuum possidenda . tali condicione prehabita iuxta consilium prefati archyepiscopi et capituli ecclesie Vpsalensis . quod de predicta canonia debent (c-) pro me (-c ) et pro animabus parentum meorum - omni septimana quam diu durauerit illa canonia due misse videlicet vna pro defunctis et alia de beata Virgine votiue celebrari . et sic post decessum dominj Rangwaldi volo michi et meis veris heredibus huius canonicalis prebende presentacionem continue reseruari [.](d) Do insuper et assigno prefato domino Rangwaldo et eius successoribus virtute litterarum presencium predicta bona cum omnibus eorum pertinenciis vt premittitur plenam et omnimodam potestatem regendi et pro vsibus suis iuxta sue voluntatis arbitrium libere ordinandi . Scriptum et datum in curia mea Ekholmen anno Dominj M°ccc°-lxx:mo primo tricesima die mensis junij meo sub sigillo apposito presentibus in pendenti.