SDHK-nr: 9070

Ego Karolus wlfson de Vlfasom miles Recognosco publice per presentes et profiteor euidenter . quod Jllustri ’ principi domino meo dilecto . domino Alberto regi Swecie / et ad manus suas fideles . Magnifico principi . domino ’ Alberto dei gracia Duci Magnopolensi patri suo dilecto / ob incumbentem necessitatem / et diuersorum ’ ipsius domini mei regis . et regni sui emulorum inpungnacionem . plena deliberacione prehabita / de mera ’ et libera voluntate mea dedi / et assignaui in subsidium dicte necessitatis . et per presentes do et ’ assigno / dimidietatem omnium reddituum meorum de bonis meis . proprijs / quibuscumque / et eciam / de bonis ’ michi inpigneratis / ab hinc vsque ad vnum annum continue subsequentem infra regnum Swecie quomodolibet ’ deriuancium(a) et proueniencium . quam quidem dimidietatem nuncius seu Collector / dicti domini mei regis ’ et patris sui predicti ad subleuandam michi missus et deputatus . suis terminis / quibus predicti redditus consueue = ’ rant exsolui / sine impedimento / expedite subleuabit / Dans et concedens eidem pro me et meis ’ heredibus plenam in premissis licenciam . et omnimodam potestatem . Volens eciam omnes et singulos / quos ’ valeo ad hoc inducere / et fideliter informare / ut eciam ipsi huiusmodi subsidium scilicet dimidie-’tatem bonorum et prouentuum suorum domino meo regi predicto / voluntarie dare curent et erogare ’ de bonis suis / prout superius de meis est expressum . Si vero aliquis huic subsidio erogando ’ resistere et rebellare presumpserit / et . ipsum voluntarie noluerit erogare / contra eundem domino ’ meo regi predicto / effectiuum auxilium pro toto posse meo faciam / donec idem rebellans ’ subsidium faciat memoratum . Jn cuius testimonium sigillum meum presentibus est appensum ’ * Datum Skænynghe Anno domini M °ccc° septimo dominica qua cantatur Misericordia dominj -