SDHK-nr: 5858

Omnibus presens scriptum cernentibus Karolus Vlfson miles, legifer Nerichie, in Domino salutem sempiternam. Noueritis, quod audita et habita computacione diligenti de dilecto et fideli meo Liniuardo Holmgersson de omnibus et singulis pretextu officii de legiferatu premisso a primo die, quo ipsius ordinacionem ac bonorum meorum ibidem prouisionem recepit, vsque in presentem, meo nomine per ipsum erogatis et perceptis, idem Liniuardus de singulis supradictis michi plenum computum et sufficientem reddiderat racionem, ita quod de ipso plenissime reddo me contentum. Dimitto igitur ipsum et heredes suos ab omni computo michi vel successoribus meis seu alicui alteri meo vel eorum nomine racione officii et prouisionis predictorum vlterius faciendo liberos pariter et exemptos. Scriptum meo sub sigillo anno Domini millesimo ccc°xlnono dominica ante apostolorum Simonis et Jude.