SDHK-nr: 3277

Omnibus presens scriptum cernentibus Jngiburgis relicta felicis recordacionis Domini Woldemari quondam Ducis swecie. Salutem in domino sempiternam. Noueritis nos litteras, sub veris, venerabilis patris Domini Olaui Archiepiscopi vpsalensis et aliorum plurimorum sigillis, in concilio generali swecie tunc Collectorum, diligenter perspexisse, verba continentes infrascripta.Omnibus presentes litteras inspecturis. Olauus diuina Miseracione Archiepiscopus vpsalensis. Birgerus Petersson kanutus jonsson, thorirus ketilsson, Boo Niclisson, thørkillus Andrisson, stephanus røriksson, et thordo, dictus bonde, salutem in domino sempiternam. Nouerint vniuersi, quod Anno domini. M.° CCC°.XXº. quarto Nonis junij, prope villam stokholmensem nobis ad habendum pro negocijs regni colloquium congregatis, religiosa domina, domina Margareta priorissa sanctimonialium monasterij prope kalmarniam conquesta est, quod dominus haquinus ingiburghason dictus Lemæ nepos suus, donacionem et ordinacionem quorundam bonorum, per ipsam, sibique attinentes eidem monasterio factam, racione propinquitatis inpedire et inpetere conaretur. qui inter se tandem ad nostram et aliorum diuersorum discretorum interposicionem et instanciam taliter concordarunt, quod ipse dominus .H. .eidem .M. priorisse, fide media promisit, donacionem et ordinacionem bonorum prefatorum, nunquam in posterum, velle inpetere, inpedire seu infringere, aut dictam dominam priorissam seu ipsum monasterium, super dictorum bonorum possessione aliquatenus molestare, per se vel per alios puplice vel occulte, Jn cuius rei testimonium sigilla nostra, vna cum sigillo predicti domini Haquini, presentibus sunt appensa. Datum Anno die et loco supradictis **).Jn cuius recognicionis testimonium sigillum nostrum presentibus est appensum. Datum kalmarnie. Anno domini M°. CCC°. XXIIIIº. feria quarta ante Cenam domini.