SDHK-nr: 3442

Jn nomine Domini Amen, Ego Canutus Porsse miles, recognosco et protestor hoc scripto, quod Johannes de elthen Burgensis in Stocholmis, et Johannes grothen Ciuis in lubeke ex parte dominorum, Laurencij Olauesson [d.v.s.: Vlphsson] et Magni Nikelsson militum, honestorum de Svecia soluerunt in Ciuitate Lubeke, ducentas marchas puri argenti ponderis Coloniensis, discreto viro Thidekomus [d.v.s.:- mo?] de Gustrowe Civi Lubecensis [d.v.s.: - si], meo nomine, quas eidem in solucionem aliqualem debitorum, quibus ipsi obligor, assignaui, vnde dominam inclitam ducissam Svecie, et venerandos Dominos consiliarios vniuersos Regni Svecie et ipsum Regnum, cum omnibus quorum nunc interest aut interit [d.v.s.: intererit] in futurum de his ducentis marchis puri argenti dimitto in perpetuum quittos liberos, et solutos, Et si Johannes de elthen, et Johannes grothe suprascripti se vnquam obligauerunt, pro hac summa argenti mihi persoluenda, Rogo diligenter quod de hoc dimittantur soluti, Nam hoc argentum in parata pecunia, mihi tam gratanter, et honeste est solutum ab ipsis, quod me bene pagatum teneo, et contentum. Jn testimonium premissorum sigillo meo feci et uisi [d.v.s.: vidi?] presentes litteras roborari. Datum Anno Domini M. CCC. vicesimo sexto, in festo omnium sanctorum.