SDHK No: 5133

Omnibus quos presens negocium tangere dinoscitur et quorum inter est, uel interesse poterit in futurum Kanutus Jonsson legifer ostgotorum Gøstauus thunasson Kanutus folkason et Jngridis swantæpols dotyr quondam abbatissa wrethis salutem in omnium saluatore, Cum in possessione sua quilibet sit tuendus et nemini iniuriam faciat qui vtitur iure suo Nos in verbo veritatis per dominum karolum siwason de fundatoribus Capelle beate virginis Lincopie requisiti Jn conscienciis nostris dicimus et per presentes coram omnibus publice protestamur quod a primeua sui fundacione, ad nos et progenitores nostros Jus presentandi ad ipsam vacantem spectauerat et ad huc spectat a tempore cuius memoria non existit Quo iure actenus vsi fuimus inconcusse voce cuiuslibet alterius preterclusa et in [d.v.s.: vt] ista clarius patere valeant, ipsius Capelle, principales et secundarios fundatores ad noticiam volumus deducere singulorum Primi enim eiusdem Capelle fundatores fuerunt Domina Helena gudthormi ducis filia et filius eius Kanutus dux Ræwalie qui bona in flidysby et maspærløso primitus contulerunt Qui kanutus dux de se genuit dominum Swantapolk qui dicte Capelle contulit ketilstedha et skeggestadha Dominus autem swantapolk genuit dominam Jngegerdim de hendelø que ad dicte Capelle augmentacionem fythiæstadha contulit et colonos qui annis singulis soluunt viginti thynones annone, per quos fundatores et nos ipsorum beredes et veros patronos successiuis temporibus fuerant presentati videlicet dominus pater Magister ingo Dominus olauus de hundabiergh Philippus kanuti ac dominus karolus siwason qui iam ad prefatam capellam per nos cum consensu nostro fuit vltimo presentatus Unde cum in possessione pacifica juris presentandi ad sepedictam capellam continue fueramus nulli mirum videatur quod contra iuris nostri turbatores amicorum et cognatorum conciliis et auxiliis salua semper honestate, per vias nobis possibiles resistere intendimus domino concedente Jn cuius testimonium, sigilla nostra presentibus duximus apponenda Sub anno domini M° CCC° XLV°. dominica qua cantatur oculi mei.