SDHK No: 6163

Omnibus presens scriptum cernentibus ego Laurencius de Lyusæfallum salutem in Domino sempiternam. Recognosco per presentes me viro prouido domino Rørekino militi dimidietatem curie, in qua matrona bone memorie Margareta habitabat, dictam Bredægaard, cum omni possessione, quam post obitum Danielis Ragwalsson et Margarete ipsius legaliter per hereditatem teneor subleuare, in agris, in quibus ad Lincopiam seminatum fuerat, pariter et superiori curia et inferiori curia infra Waarhellæ et extra Waardhellæ, in siccis et aquosis, procul ac presens, pro v (que) centum marcis simul et heredibus suis iuretenus vendicasse, quam pecuniam secundum nostra placita et statuta subleuaueram legaliter testimonio sub ueraci. Insuper si in hiis distancia contigerit, videlicet quod reuocatiue infestata hec hereditas a quibusdam fuerit, astringo me et heredos (C:-es) meos sibi et heredibus suis satisfaccionem pecunie plenarie paratturum, ut inferius est prescriptum. In cuius rei euidenciam firmiorem sigillum ciuitatis Lincopensis vna cum sigillis virorum discretorum, videlicet prefecti Lincopensis Nicholai de Stangh, Tydemanni Lapsæ et Anundi Margarete, et cum proprio dux (C:duxi) presentibus apponendum. Datum anno Domini m°ccc°l primo feria quarta pasche dictis sub sigillis.