SDHK-nr: 5524

Omnibus presens scriptum cernentibus. Lidhiwardus. holmgersson vicelegifer,, Kanutus mattysson aduocatus, ceterique Nemdarii in nericia, Salutera in domino sempiternam, Per presentes litteras. de veritate testimonium perhibemus. quod Anno domini. M°. CCC°. XL°. VII°. feria sexta. proxima. ante martini. in placito terre nostre generali. dicto lanzdhingh in mosæs habito in presencia nostra. singulorumque terram nostram inhabitancium, constitutus personaliter vir discretus. dominus nicolaus curatus in stighatomptum, ad predia. in villis, scilicet. mosaby parrochie clumblæ, (!) hettinge. parrochie grawu, et vikyr parrochie. noræ situata., que a venerabili patre. domino sigmundo dei. gracia. episcopo strengenensi, per verum bonorum cambium legaliter optinuit Cognatis suis. eorundem. noticiam exigentibus. paratum se exhibuit, ostendenda,, Preterea, Nec dubium sit cuiquam de premisso prediorum cambio, quoniam non vni tantum. ymo. toti. terre nostre communitati est lucide manifestum, quia Anno domini vt supra. M°. CCC°. XL°. VI°. die sancti laurencii martiris. in communi placito nostro, lanzdhingh dicto. et in ciuitate ørabrø habito, inter reuerendum patrem. dominum Sigmundum predictum, et eundem. dominum nicolaum vt predicitur. jdem prediorum cambium est coniectum. hiis viris veridicis per dei graciam et discretis,, Lidhiwardo holmgersson pro proloqutore,, magno byrgirsson. kanuto pætærsson karolo niclisson, thyrgillo in bærastum, Nicolao finwizson. kanuto mattysson. stenaro joonson. et anundo in hørstum. pro firmariis. nominatis specialiter et assumptis, Jn premissorum jgitur euidenciam testimonii firmiorem. Sigillis nostris, videlicet Lidhiwardi holmgersson vicelegiferi suprascripti, kanuti mattysson. aduocati, Nicolai finwizson et magni byrgirsson nemdariorum presentes litteras duximus premuniri, Scriptum loco et tempore superius annotatis.