SDHK-nr: 5202

Omnibus presentes litteras inspecturis, Magnus dei gracia, Rex swecie, Noruegie, et scanie, salutem in domino sempiternam, Nouerint vniuersi, quod nos nostro, et corone regni swecie nomine, cum venerabili in christo patre, domino Hemmingo, diuina prouidencia. archiepiscopo vpsalensi, ac honorabilibus viris, dominis, Laurencio Pauli preposito, et Ødhino canonico ibidem, procuratoribus matris (!) nostre carissime, Jnclite domine, domine Jngiburgis, permissione diuina ducisse Ølandie, ad hoc ab ea speciale mandatum habentibus, prout in litteris dicte domine ducisse super hoc confectis vidimus contineri, de consensu et consilio dilectorum consiliariorum nostrorum nunc presencium, permutacionem facimus, in modum qui sequitur, prediorum, videlicet, quod quinque marcas terre cum octo solidis in villis, swartasio, ac quatuor marcas terre cum sedecim solidis, in birkeby, in parochiis, skaa et sunga, necnon viginti oras terre vno solido minus, in dighraedhby parochia Hildishøgh, sitas, que predia omnia cum eorum pertinencijs prefata domina ducissa ex successione hereditaria filiorum suorum noscitur habuisse, ab eisdem procuratoribus ad vsus nostros, et corone regni swecie recipimus, et inperpetuum deputamus, Jta vt vpsalaødher exnunc pro perpetuo dici debeant, et censeri, Procuratoribus predictis dicte domine ducisse, metropolitane vpsalensis ecclesie nomine, cui per eandem ducissam pro fundacione vnius canonie in ipsa vpsalensi ecclesia, premissa predia sunt legata, Jnfrascripta predia nostra, et corone regni swecie, videlicet in husabyswinagarn, totam villam, scilicet tres marcas terre, in husabyulleraker parochia sancte trinitatis vpsalie, tres marcas terre, et in husabynærdhingiahundare viginti oras terre, tradentes, ac titulo permutacionis reassignantes, in perpetuum possidenda, Damus igitur et concedimus antedictis, eiusdem domine ducisse procuratoribus, plenam ac liberam potestatem, supradicta predia exnunc possidendi, occupandi, ac frvctus et obuenciones quascumque de ipsis predijs prouenientes, percipiendi, leuandi, nomine vpsalensis ecclesie supraposite, et canonie de nouo in ea, vt premittitur, fundate, iuxta ipsius domine ducisse magnifice voluntatem, Jn quorum omnium euidenciam firmiorem, sigillum nostrum, necnon sigilla dilectorum consiliariorum nostrorum, videlicet reuerendi in christo patris, domini Thome, dei gracia, episcopi Vexionensis, ac dominorum, gislonis ælinasson, Nicolai abiornasson, karoli neskonungsson, Jsraelis birgersson, legiferi vplandiarum, militum, ac Johannis Cristinæsson, necnon sunonis halstensson, aduocati stokholmensis, presentibus sunt appensa, Datum stokholmis, Anno, domini. Millesimo, Tricentesimo, quadragesimo, quinto, die beati olaui regis et Martiris.