SDHK-nr: 3632

Omnibus presens scriptum cernentibus petrus dictus grubbæ de oræbyærg salutem in domino sempiternam. Nouerint vniuersi quod recognosco me bona mea in vtlærthæ cum omnibus pertinenciis suis viro discreto et honesto, domino andree pæterson latori presencium pro .XVI. marchis puri argenti inpignorasse. in proximo placito ante festum natiuitatis. domini. jam proximo subsequente vtique redimenda hac adiecta condicione quod si dicta bona extunc redempta non fuerint tunc idem. dominus andreas paterson fructus dictorum bonorum leuare debeat et ad vtilitatem. suam audaciter ordinare. si autem bona prius nominata per me in dicto termino redimantur. tunc dicta bona inpedita et illesa cum fructibus et cum estimacione dicte curie. videlicet. dimidiam marcham annone, et tria jumenta mihi debeant resignari. Jn cuius rei testimonium sigillum meum presentibus est appensum Datum Anno. domini. M°. CCC°. XX°. nono. die beati kanuti regis et martiris.