SDHK-nr: 4251

Omnibus presens scriptum cernentibus, Frederichus finland salutem in domino sempiternam, Nouerint vniuersi me quandam curiam super area sororum sancte clare apud stokholm in ponte aquilonari constructam, a henrico sunnædagh pro pignore habuisse, termino vero elapso pro dicta curia resoluenda et multo tempore exspectato dictam curiam in consistorio stokholmensi tribus vicibus secundum leges ac ius ciuile pro resolucione eiusdem facienda exhibui, Hiis factis et illo sepedictam curiam minime resoluente, recepi quatuor discretos viros. videlicet thyrgillum, proconsulem,. rolwerum mynster, mathiam naghel, et gerardum vysæ duos ex parte domine abbatisse et alios duos ex parte eiusdem henrici prout in sua littera continebatur qui ipsam curiam secundum quantitatem precii estimarent, vnde predicti sicut eam emere vel vendere vellent pro septuaginta marchis denariorum vsualis monete taxauerunt, Jdcircorecognosco per presentes quatinus nominatam curiam inclite domicelle sorori Rikize filie illustrissimi domini magni quondam regis swecie abbatisse dictarum sororum loci memorati que in hac parte vicinior erat secundum litteram henrici supradicti vendidi pro pecunia pretaxata quam pecuniam ab eadem domicella me fateor per presentes integraliter subleuasse,, Jn cuius rei recognicionem sigillum meum presentibus est appensum, Datum anno domini. M°. CCC° XXXº sexto in profesto inuencionis sancte crucis.