SDHK-nr: 2994

Omnibus presentes litteras inspecturis, Kanutus Jonson et Boo niclasson legifer ostgotorum salutem in domino sempiternam, Tenore presencium constare volumus omnibus euidenter, quod die lune lincopie proxima post dominicam trinitatis, in presencia nostra constituti generi discreti uiri domini Marchi sacriste Ecclesie lincopensis, videlicet Erichus Jngiwaldus et suno cum uxoribus suis, recognouerunt puplice et expresse se consensum suum, voluntatem et assensum dedisse, ut idem dominus. M. curiam suam in snawulundom cum omnibus bonis eidem curie attinenciis mobilibus et immobilibus infra sepes et extra, ecclesie lincopensi conferendi plenam et liberam habeat facultatem, perpetuo possidendam, Jn cuius rei testimonium sigilla nostra, vna cum sigillis discretorum uirorum, uidelicet, kanuti folkæson, domini Olawi canonici lincopensis, ragnwaldi ciuis ibidem et magni waldemarson, qui eciam huic facto cum aliis quam pluribus discretis uiris interfuerunt, sunt appensa, Datum et actum, anno domini .M°. CCC°XX°. die et loco supradictis.