SDHK-nr: 1510

Jn nomine domini amen. Anno a natiuitate eiusdem M.°CC°.XC°.I°.VIII°. jdus aprilis Ego elena vxor bøsonis compos mentis & sana corpore sollerter considerans quod hora mortis nichil incercius et ea preueniri timendum sit omnibus neglecto salubriter in aliquo anime preuidere dum sensus sanitate vigeret menteque non turbata dolore corporis & coacta .id cogitare de quo dolet ordinacione voluntatis vltime in qua tranquille mentis exigitur vsus et ratio de bonis mihi a deo collatis ad honorem ipsius et in remissionem peccatorum meorum duxi sanctam ecclesiam suam aliquo pio opere prout facultas mea suppetit honorare quapropter curias meas Kyætilsthorp & sigruthærthorp cum bonis omnibus mobilibus & immobilibus et ceteris earundem pertinenciis intra sepes & extra do & lego Domino . B. scarensi episcopo eiusque in ecclesia successoribus mere ac simpliciter libere & irreuocabiliter perpetuo iure et nomine testamenti. Jn cuius testimonium testes ad hoc specialiter vocaui & rogaui infrascriptos quos & sigilla sua rogaui apponere huic scipto. videlicet dominos Toluonem pætærs. sun &c lika N:o 1037 till: Arnuidum de mun,slundum Datum & actum Kyætilsthorp tempore supradicto. Et ego Ragnerius rector ecclesie ørsløso Parochialis sacerdos & confessor ipsius helenæ suprascriptis interfui et sicut vidi & audiui iuratus fideliter hec conscripsi et in testem me subscribo et sigillum meum appono.