SDHK-nr: 7220

Ollom monnom þeim sem þetta bref sea æder hoeyra senda hælghe steinarsson ok þorer ærlandzssøn Quediu gwz ok sina [.] mit gerom yder kunnight at mit varom j communa j korsbroedra garde j oslo [,] a iakops(a) vaku æptan a adru are rikis okars virdileghs herra hakonar med gudes naad norweghs konongs [,] a almennileghre stæmpna [,] saghom ok hoeyrdom at þær heldo a bok þangborgh aslaks dotter ok valborgh gæirardz dotter [,] ok baro þær vitnissburd vm med bokadom eidstaf at þær varo þær j hia j brandz garde j oslo [,] þa er iærþrud paalls dotter la j sini bana sott [,] ok hoeyrdu a(b) at hon gaf till halfuard[z kirkiu i oslo i si]t(c) testamentum [,] gudi till heiders ok hinum hælgha halfuarde till hæiders ok ser [,] fæder [...](d) fru gro till salahialpar ok æfuenleghs bænahalldz [,] iord þa sem garn heitir [... t]ill(e) æfuenleghrar eighu frealsa heimola ok amaghalausa firir huarium mann[e med ollum lutum ok lunyn]dom(f) sem till henne liggia æder leghet hafua fra forno ok nyu [,] vttan g[ardz ok innan ...]m(g) ok firirstæmpndom þa þorleifui flot(h) gek þessar vithnissburder(i) firir [virdileghom herra herra sigh]fridi(k) med gudes naad biskup j oslo [,] loghmannenom gudþorme(l) gudbrandzssyni ok marg[hom adrom godom monno]m(m) [.] till sanynda settom mit okkor insighli firir þetta bref er gort var j stad a ar[e ok deghi sem](n) fyr seghir