SDHK-nr: 668

W. dei gracia Rex sveorum. vniuersis tyundaland habitantibus. salutem & graciam. Quoniam ad nos spectat. sancte ecclesie promouere commodum & honorem. ac ea que in presencia nostra & de consensu nostro ecclesie dei racionabiliter collata sunt roborare. Jdeo vniuersitatem uestram. hortamur in domino. ac vobis firmiter precipiendo mandamus. quatinus tertiam partem de decimis. que pauperum uulgariter appellantur. prout temporibus felicis memorie. Erici tertii. illustris quondam Regis. deconsilio karissimi patris nostri. B. ducis svechie. & aliorum discretorum terre statutum fuit & hactenus obseruatum. Vpsalensis. ecclesie. beniuole. integre. & fideliter. annis singulis de cetero in perpetuum exsoluatis. vt ex eo a domino meritum consequi. & a nobis graciam possitis optinere. Nos autem. dicti Regis constitucionem. quam de consilio patris nostri edidit. innouantes statuimus. vt nullus de cetero supradictas decimas. prefate ecclesie deputatas. per se uel per alios. detinere. seu impedire. presumat. qui nostram indignacionem. voluerit euitare. Datum. thorsharchum. Anno domini. M°. CC°.L°.II°.VI°. nonas octobris. presente patre nostro. domino. B. duce sveorum. & venerabili. patre. domino. Jarlerio. Vpsalensi. archiepiscopo. qui eciam sigilla sua. huic littere apposuerunt in testimonium ueritatis.