SDHK-nr: 3004

Omnibus presens scriptum cernentibus,, Jngiwaldus æstridhæsson,, salutem in domino sempiternam, Quoniam acta hominum, multociens in dubium reuocantur, nisi litterarum suspite perhennantur, Jgitur tenore presencium pateat vniuersis, me cum religiosa domina, domina kynigundi, abbatissa de monte beate uirginis, quoddam fecisse concambium prediorum, videlicet quod sex oras terre bierby in parochia gamblakloster, et dimidiam marcham terre in sundhby iuxta mioæsund sitam, que predia de discreto uiro, domino Stephano rørixsson, pro plena recompensacione, adeptus sum,, pro XII oris terre in frænstadhum, parochia husaby, ærnawi, et tribus oris terre in crokastum, parochia vidhbohæradh, cum omnibus eorum pertinenciis, prope uel deprope positis, nullo penitus excepto, sibi suoque conuentui,, asignaueram, iure, perpetuo posidendam, ablata (!) mihi meisque heredibus, omni inuencionis ingenio, aliqualiter, in posterum reuocandi, sed ne aliqua super hoc facto, possit uel debeat, suspicio suborriri(!), sigillum meum, vna cum sigillis discretorum uirorum, videlicet domini stephanj røriksson, et sigmundi kialdorsson,, presentibus duxi apponedum,, Scriptum anno domini M°CCC°XXº, in crastino, post beati petri apostoli.