SDHK-nr: 17856
Datering
1412 juli 6Utfärdandeort
SkaraInnehåll
Prästerskapet i Skara stift befullmäktigar kyrkoprästerna Nils i Sätila och T or i Ransberg att vara dess ombud vid kyrkomötet i Arboga.
Språk
latin
Källor
- Original: Or. perg. RA 0101 bilder
- Eftermedeltida avskrifter: Peringskiöld: E 45 f. 49v (reg.)
Brevtext
Omnibus presens scriptum cernentibus vniuersitas cleri dyocesis Scarensis salutem in Domino sempiternam. Cum reuerendus in Christo pater, dominus Johannes, diuina miseracione archiepiscopus Vpsalensis, omnes et singulos suos per regnum Swecie suffraganeos, habituros secum Capitulorum suorum procuratores, et sicut ab antiquo consuetudo laudabilis obtinuit de gestis et habitis per dictos dominos suffragiis in conciliis ipsorum synodalibus testes synodales, per literas suas pro prouinciali concilio per eum cum eisdem in opido Arbugensi dominica infra octauas natiuitatis beate virginis proximo futura celebrando mandauerat auctoritate metropolitana conueniri, nos dicti domini nostri archiepiscopi mandatis reuerenter, vt tenemur, obedire volentes, prouidos et circumspectos viros, dominos Nicolaum de Sæteira et Thorirum de Raansbergh ecclesiarum curatos et quemlibet eorum insolidum ad comparendum pro nobis et nomine nostro in dicto concilio nostros generales procuratores facimus et nuncios speciales constituimus ac eciam tamquam emergencium negociorum in dyocesi Scarensi conscios testes eligimus synodales in hiis scriptis, data per nos et concessa eis et eorum cuilibet in solidum pro nobis et nomine nostro proponendi ibidem et respondendi ac omnia et singula faciendi, que circa premissa necessaria seu opportuna fuerint, plenaria et irreuocabili sub ratihabicione nostra potestate. Datum Scaris, anno Domini m°cd° duodecimo, in octaua apostolorum Petri et Pauli, sub sigillo nostro communi.
Extratext
På frånsidan: Tenor pro testibus sinodalibus ad concilium prouinciale mittendis.
Sigill
Sigillet saknas.
Tryckt
- SD 1596 se pdf av tryck
Senast ändrad
2015-06-05