SDHK-nr: 4802

Omnibus et singulis ad quos peruenerit presens scriptum Nos Valdemarus tanquam Principalis, Nos vero [Sueno] Episcopus arosiensis, Jacobus Pauli decanus &c. tanquam fideiussores, volumus esse notum, quod data fide et in solidum promittimus, litteras per presentes, illustribus domino Magno, Suecie et Noruegie regi, Jngeborgh[i] ducisse Suecie, matri sue, et omnibus adiutoribus et seruitoribus eorundem, tam in rebus quam in personis, treugas inuiolabiles, firmas et illesas, a data presentis, usque ad diem Beate Lucie virginis proximum, inclusiue duraturas. Jnsuper homines dictorum, regis et ducisse, donec [o: debent] per nos ad bona sua in Selandia, quibus priuati sunt, restitui per ius et leges terre memorate. Jnsuper, si [homines?] terre Selandie ad commune tributum nobis soluendum consentirint [d.v.s.: -rent], ad solucionem illius dicti restituti, sicut ceteri de bonis suis tenebuntur. Jnsuper, die sancte Katarine proxima in Vorchingborg [d.v.s.: Vordingborg], per nos vel consiliarios nostros, cum consiliarijs regis et ducisse predictorum, et cum Comitibus Holstacie H[enrico] et N[icholao] vel consiliarijs eorundem placitata seruabuntur, vbi si decretum fuerit, huiusmodi treugas vsque ad festum Pentechostes domini proximum prorogari, illas Nos regi et ducisse predictis, ab [d.v.s.:ac] omnibus auxiliatoribus ipsorum, debemus securare, Nominatim Bobslaue [d.v.s.:-lauo] et Baroni, ducibus Stetinensibus, amiculis nostris Carissimis, nobili viro Comiti Johanni de Holstacia, patruo nostro perdilecto, Henrico, Nicolao ac Gerardo, Comitibus Holstacie supradicti [d.v.s.: - tis], et Benedicto de Anafelt, militi seniori, in dicta eciam die sancte katarine quemcunque vel quoscunque Nos vel dominus rex Suecie predictus, aut consiliarij sui, vel nostri in nostras treugas non recipimus, vel pro quibus non compromittimus nominatim, illi debent, vel ille, per se et pro se personaliter securare treugas supradictas, Jtem idem dominus rex Suecie concedet de litteris per nos sibi promissis nondum datis, sed taciturnitatem beneuolam facil [d.v.s.: faciet] treugis stantibus antedictis. Jnsuper dominus Marchio Brandeburgensis Lodouicus fideiussor erit pro treugis primis et secundis, si fuerint, vt premittitur, prorogate, regi et ducisse predictis, et omnibus facere vel omittere volentibus pro eisdem, pro nobis, et pro facere vel demittere causa nostri volentibus vniuersis, pro qua fideiussione, per dominum Marchionem facienda, Fredericus de Lokken, miles, et Benekinus wlff armiger, nostro nomine promiserunt domino regi Suecie predicto, data fide super omnia hec, presentes littere prioribus litteris aut placitis, per nos regi et ducisse predictis datis vel habitis cum eisdem, in nullo derogabunt, imo forcius roborabunt. Datum &c.