SDHK-nr: 1427

Jn nomine patris & filii & spiritus sancti, amen, Cum terminus mortis cunctis mortalibus sit incertus. & propter varios humane fragilitatis euentus gestarum rerum memoria per obliuionem cito dilabitur nisi voce testium & litterarum indicijs confirmetur, Jdcirco ego Ragnildis Erlendi quondam filia, nunc vxor Domini Magni Gregorij, ad vniuersorum deduco noticiam per inspeccionem presencium, quod meum, iure aliquo ciuili, seu canonico, seu eciam quibuscumque consuetudinibus patrie, non obstantibus, perpetuis ualiturum temporibus, in hunc modum facio & ordino testamentum, de prememorati mariti mei expresso beneplacito & assensu, Jn primis confirmo in omnibus testamentum karissimi in domino, quondam mariti mei & dominj, Joans Karls sun, Obligans et astringens filium meum. Fulchonem. ad hoc perficiendum & plenarie persoluendum siquid in morte mea repertum fuerit non solutum Fratribus predicatoribus Sictonie, apud quos, iuxta predilectum priorem maritum meum, predictum Dominum Joan Karls sun, collateraliter eligo sepulturam, legando confero Curiam meam, Lytislund, cum omnibus mobilibus & immobilibus, adiuncto predio quod possideo in Hwetingi, tali condicione, quod filij mei eandem Curiam redimant infra annum, Si autem in anni reuolucione non redemerint, extunc fratres secundum suum beneplacitum cuicumque voluerint, vendendi liberam habeant potestatem, Jnsuper lacum seu paludem, que Musamyr dicitur, iuxta siktuniam, cum terra, aqua, graminibus, lignis, & ceteris que loci illius esse dinoscuntur eisdem fratribus confero, & confirmo pleno iure integraliter possidendam, & liberum decursum aque de dicto lacu vsque ad eorum molendinum, iuxta modum, qui instrumento super hoc specialiter confecto plenius^aRättat från felaktigt in plenius i DS 981. continetur, Ecclesie vpsalensi do, duodecim Marchas denariorum, Fratribus predicatoribus Westraaros, strengienes, skeningie, skaris, lydosie, kalmarnie, Wisby, finlandie, & sororibus apud sanctum Martinum skeningie, singulis domibus. Tres Marchas den, Jtem singulis domibus fratrum Minorum, østraaros, Enichopie, stokholm, Nychopie, Suthercopie, skaris, Wisby, duas Marchas den, Karissimo in christo germano meo fratri Jsraeli, do decem Marchas argenti, Jtem singulis cenobiis Manachorum, Julluttum, Aluastrum, Wernem, Nydal, Gothlandie, duas Marchas den, Jtem singulis Monasterijs Monialium, sko, fodø, Risiberg, Guthem Wretum, askaby, gothlandie, duas Marchas den, Jtem singulis hospitalibus, Eskilstunum, Enikopie, duas Marchas den, Margarete sororj mee naturali, que in seruicio meo diu & fideliter laborauit, do, nouem oras cum vno solido terre in Husaby in aspu, Cuilibet ecclesie parochiali, in quarum parochiis Curias possideo, & sacerdotibus earundem, do vnam Marcham den, Ragnfridi naturali filie domini mei predicti Joans Karls sun, confero Triginta Marchas denar, Executores testamenti mei taliter ordinati, pono, Dominum maritum meum. Magnum predictum, & fulchonem filium meum, si tunc in etate legittima fuerit constitutus, Jtem venerabilem patrem, Dominum Johannem dei gracia Episcopum aboensem, Jtem karissimum in christo fratrem meum karolum, vel fratrem meum fratrem Jsraelem, loco sui, si karolus non affuerit, & priorem sictoniensem, quicumque fuerit pro tempore, volens & ordinans, vt redditus & prouentus curiarum mearum, ad dicti testamenti solucionem recipiant, nec filii vel heredes mei de ipsis percipiendis, aliquatenus se intromittant, quousque testamentum plenarie fuerit persolutum, Ad persoluendum Ecclesie Vpsalensi, & domibus fratrum predicatorum, & sororibus apud sanctum Martinum skeningie, recipiantur prouentus curie Winagarn, Ad persoluendum autem omnibus aliis locis religiosis, atque Ecclesiis cum earum sacerdotibus, accipiantur redditus curiarum. Hyrn. & Thullagarn, Ragnfridi vero persoluatur de prouentibus curie. Sochnadall, Actum sictonie, in Ecclesia beate Marie virginis, die veneris proximo post festum beati Nicholai, in presencia Domini mei regis, domini Magni. Joans sun. domini mariti mei. Magni., domini philippi de Runby, domini Joans angeli fratris mei, domini. Benedicti. bossun. Fratris Olaui, prioris prouincialis dacie, fratris Laurencii prioris sictoniensis & fratris Jsraelis fratris mei, Anno Domini. M°. CC°.LXXX° octauo, Jn quorum omnium euidenciam, sigillum, Magnifici principis, Domini Magni, illustris Regis sweorum, & sigillum dilecti mariti mei. Domini Magni gregorij, & meum, ac sigilla dilectorum fratrum meorum, fratris jsraelis joans engils, karoli, necnon sigilla, prioris prouincialis, & prioris sictoniensis ordinis predicatorum presentibus sunt appensa.