SDHK-nr: 8282

Dilecto filio Nicolao Thorstani canonico Vpsalensi salutem etc. Vite ac morum honestas aliaque probitatis et uirtutum merita super quibus apud nos fidedigno commendaris testimonio nos inducunt ut tibi reddamur ad graciam liberales Volentes itaque tibi in presbiteratus ordine constituto qui in iure canonico ut asseris peritus existis premissorum meritorum tuorum intuitu graciam facere specialem[,] canonicatum ecclesie Vpsalensis cum plenitudine iuris canonici apostolica tibi auctoritate conferimus et de illo eciam prouidemus[,] prebendam uero si qua in dicta ecclesia uacat ad presens (1-) [uel cum uacauerit quam tu per te uel procuratorem tuum ad hoc legitime constitutum infra vnius mensis spacium postquam tibi uel eidem procuratori de illius uacacione constiterit duxeris acceptandam conferendam tibi post acceptacionem huiusmodi cum omnibus iuribus et pertinencijs suis donacioni apostolice reseruamus](-1) [,] Districcius inhibentes venerabili fratri nostro archiepiscopo et dilectis filijs capitulo Vpsalensi ac illi uel illis (2-) [ad quem uel ad quos in eadem ecclesia prebendarum collacio prouisio presentacio seu queuis alia disposicio pertinet communiter uel diuisim ne de ipsa prebenda interim ecciam(3) ante acceptacionem eandem nisi postquam eis constiterit quod tu uel procurator predictus illam nolueritis acceptare disponere quoquomodo presumant[,] ac decernentes exnunc irritum et inane si secus super hijs a quoquam quauis auctoritate scienter uel ignoranter contigerit attemptari Non obstantibus de certo canonicorum numero et quibuscumque alijs ipsius ecclesie statutis et consuetudinibus contrarijs iuramento - - - processum Quibus omnibus preterquam auctoritate nostra in ecclesia ipsa receptis seu prebendas expectantibus in eadem te in assecucione dicte prebende uolumus anteferri sed nullum - - - generari Aut si eisdem archiepiscopo et capitulo uel quibusuis alijs communiter uel diuisim a sede predicta sit indultum quod ad recepcionem - - - illud prestes] (-2.) Seu quod parrochialem ecclesiam Norhungarath Vpsalensis diocesis cuius fructus redditus et prouentus viginti florenorum auri secundum taxacionem decime ualorem annuum ut asseritur non excedunt nosceris obtinere Nulli ergo etc. nostre collacionis prouisionis reseruacionis inhibicionis constitucionis et uoluntatis infringere etc. Datum Auinione x . kalendas marcij anno primoJn eodem modo Venerabilibus fratribus Strenginensi et Wessionensi episcopis ac decano ecclesie sancti Petri Auinionensis salutem etc. Vite ac morum etc. usque obtinere noscitur Quocirca(4) mandamus quatinus uos uel duo aut unus uestrum per uos uel alium seu alios eundem Nicolaum uel procuratorem suum eius nomine exnunc auctoritate nostra in eadem ecclesia Vpsalensi recipi facientes in canonicum et in fratrem stallo sibi in choro et loco in capitulo ipsius ecclesie cum plenitudine iuris canonici assignatis[,] prebendam per nos ut premittitur in dicta ecclesia reseruatam si tempore reseruacionis nostre huiusmodi uacabat ibidem uel postea uacauit aut cum illam inibi uacare contigerit prefato Nicolao post acceptacionem predictam cum omnibus iuribus et pertinencijs suis auctoritate predicta conferre et assignare curetis[,] inducentes eum uel dictum procuratorem pro eo in corporalem possessionem prebende ac iurium et pertinenciarum predictorum (5-) [et defendentes inductum sibique facientes de ipsorum canonicatus et prebende fructibus redditibus prouentibus iuribus et obuencionibus uniuersis integre responderi Non obstantibus omnibus supradictis Seu si eisdem archiepiscopo et capitulo suo uel quibusuis alijs communiter uel diuisim a dicta sit sede indultum quod interdici suspendi uel excommunicari non possint per litteras apostolicas non facientes plenam et expressam ac de uerbo ad uerbum de indulto huiusmodi mencionem Contradictores auctoritate nostra etc.](-5) Datum ut supra