SDHK-nr: 9901

An de Erbare lude de [a]lderlude(a) to brugge . sendic hans kolne mu.nter to stocholmen . mine vrentlike groete vnde minen deenst : Weten scholi . dat mi es to wetene worden . dat ghi bi Ju min goet bekummert vnde besat hebben . ende hope des dat ic dar to keghen Ju [n]icht(b) ghebroken hebbe [.] dar vmme bid ic v dat gi wol doen dor miner bede ende dor minesdeynstes willen vnde laten mi dat goet volghen . Ende bidde Ju dat gi (1-) dessen breffører(-1) louen wes he v secht van miner weghene . wentic seluen . gherne dar ouer komen were . nv vernempt mi . dat heren bot . dat ic des vp desse tijt nicht becomen kan [.] men were dat sake(c) dat gi mi des nicht verdraghen wolden dor miner bede willen . so moestic er ic mines goedes myssede seluen dar vmme ouer komen . ende dat weet goet dat ik des aireide groten schaden hebbe ghenomen . ende hope des to Ju nicht dat gi mi hir vorder mede hynderen . ende doet hir bi alsic gherne doen wolde . Js dat Juwe bede weder to mi boeret : wente dat weet got dat mi dat goet binnen der stat to stocholmen vnde anders nerghene an mine rechte schult gheghulden es . alse Ju wol witlic wert Jn andren breuen . wen ok dat gi des nicht louen wolden dat mi dat goet binnen stocholmen nicht beret were so schal dat desse breifforer behalden met sinem rechte . god si me Ju ende ghebeit to [.] Scriptum stocholmis feria secunda post reminiscere.