SDHK No: 3688

Vniuersis presentes litteras audituris seu visuris Strango junisson condam lundensis monetarius et Mærættæ vxor olim beroris [d.v.s.: - nis] cum duobus suis filiis Nicholao videlicet et Thrugoto. Salutem in domino sempiternam. Nouerint vniuersi tam posteri quam presentes nos reuerendis sororibus sancte Clare roskildis Curiam in suauerslef cum omnibus suis pertinenciis tam mobilibus quam immobilibus rite et legittime skotasse cum uero testimonio placitali iure perpetuo possidendam. quam. scilicet. curiam dilectus noster consanguineus dominus Johannes vlsthorp canonicus roskildensis in sue remedium anime premissis sororibus in suo legauerat testamento. quam legacionem ratificamus et confirmamus liberaliter per presentes. Tali videlicet interposita condicione vt suum faciant anniuersarium sollempniter annuatim. conferendo fratribus minoribus roskildis duas marcas cupreorum quolibet suo anniuersario vt et ipsi suum celebrent anniuersarium. et mendicis pauperibus vnam marcam denariorum distribuendam inter ipsos. Ne igitur dictis sororibus aliqua calumpnia uel grauamen de premissis quod absit in posterum generetur, ipsas eximimus ab omnibus inpeticionibus et molestacionibus heredum nostrorum seu aliorum quorumcunque racione prefate curie cum suis pertinenciis legate sororibus libere. et scotate legittime per presentes Jn cuius rei euidenciam sigilla nostra. vna cum sigillis venerabilium virorum. et dominorum bondonis decani. et skyelm prepositi. ac petri archidyaconi canonicorum roskildensium presentibus sunt appensa. Datum anno domini Millesimo. Trecentesimo. Tricesimo in octaua epiphanie domini.