SDHK-nr: 2864

Omnibus presentes litteras inspecturis ragwaldus et hultho vices legiferi in ostgocia gerentes salutem in domino Tenorepresencium constare volumus omnibus euidenter quod die lune lincopie proxima post dominicam letare ierusalem que dicitur laghthingxmanadagher jn presencia nostra constituti. katerina. dilecta amita discreti viri. domini olaui canonici lincopensis necnon et liberi eius videlicet petrus, geruatus et Jngerunis recognouerunt publice et expresse consensum suum voluntatem et assensum dedisse penitus nt dictus dominus O. de bonis suis omnibus que sibi paterna uel materna successione aut titulo donacionis aut empcionis, seu eciam causa profectiua aut inuentiua. uel eciam quouis alio modo prouenerant possit libere testari. donare. et ad libitum voluntatis ordinare recipientes de predicto domino. O pro omni iure hereditario vnam curiam lincopie sitam que empta fuit pro centum et XL marcis denariorum. cum nona parte vnius attongi in patastadhum necnon et pro omnibus mobilibus bonis que post mortem ipsius hereditare tenerentur et propter hoc renunciantes in hiis omnibus et singulis excepcioni doli mali in factum Condicioni indebiti omni iuris auxilio canonici et ciuilis. specialiter iuri generalem renunciacionem non valere ac omnibus aliis iuris et -facti excepcionibus dicta bona iure hereditario aut quolibet alio modo uel genere. exigendi petendi calumpniandi impetendi necnon et de cetero reuocandi Ad horum igitur euidenciam pleniorem. quia heredes supradicti sigilla non habuerunt, sigillum nobilis dominj. domini bo legiferi osgotorum vna cum sigillo ciuitatis lincopensis ac nostris et aliorum virorum discretorum videlicet gøtha iønisson petri mathisson et fratris sui dan. kanuti de sighrithathorp et ragwaldi de wllaui instanter apponi pecierunt. qui eciam huic facto vna cum multis aliis quamplurimis fidedignis interfuerunt Datum et actum anno domini M° CCC Xoctauo die et loco supradictis.