SDHK-nr: 245

Omnibus huius regni incolis presentibus & futuris birgerus dux suueorum ab eo dirigi in uiam iusticie. qui iustos diligit & roborat dono celestis gratie. Quia omnipotens deus non nostris meritis inter homines set coeterna sibi bonitate nos sublimauit. atque cum uirtute potencie diuiciarum emolumentis habundantius ditauit. gratias ut dignum est ei referimus. set & ea que nobis tribuit. pro posse nostro retribuere curabimus. Unde tam ceteris ad exemplum bonitatis quam mihi ad subsidium salutis. concedimus sororibus. octo octingas. in riseberge. IIII. octingas. in sneuerwy. IX. octingas. in fiuelstaht. II. octingas. in gilbergh. uillam quandam iuxta horebro que uocatur lotetphorp ibidem locum molendine & dimidietatem ex omni captura piscium que pertinet ad ana. in mosebuy. VI. Octingas. duo in ruuinge. I octingam in piscatione wermelandie.Qui uero has deo dicatas terrarum appenditiones improbo ausu irrumpere presumserit. nostras & filiorum meorum atque parentum ultiones se passurum sciat. & dei atque omnium sanctorum excommunicationi subiaceat.