SDHK-nr: 7777

Omnibus præsens scriptum cernentibus Johannes, curatus ecclesiæ Watzbro dyocesis Strengnensis, in Domino salutem sempiternam. Tenore præsentis noverint vniversi, tam posteri quam moderni(a) quod nobili viro domino Nicholao Thuresson omnia et singula bona mea in Askö, Arnatorp et in alijs quibusuis(b) parochiæ Skäldawijk sita, qu[e](c) pro præbenda in ecclesia Watzbro prædicta per honorabilem militem dominum Siggonem felicis memoriæ et consortem suam dominam Rangburgim iuxta mandatum apostolicum e[is](d) [super](e) hoc iniunctum [.....](f) fundata mihi fuerant meisque successoribus iure possessorio legittime deputata, cum omnibus et singulis eorum bonorum adiacentijs, quomodolibet nominatis, nullis penitus exceptis, titulo concambij pro curia [.....](g) marcha(h) terræ, vna ora in Wallaträdum et vno solido terræ in Hendelundom, cum omnibus eorum adiacentijs, et cum consensu venerabilis patris in Christo, carissimi domini mei episcopi Strengnensis, secundum omnem legum patriæ traditionem dimisisse et irrevocabiliter assignasse, alienando mihi meisque successoribus bona prædicta et in prædictum nobilem militem dominum Nicholaum Twrasson(i) suosque hæredes bona huiusmodi occupandi, mutandi seu pro suis vsibus ordinandi in perpetuum proprietatis ius et possessionis dominium transferendo. Datum sub sigillo meo anno Domini M.ccc.lx. in dominica Trinitatis.