SDHK No: 2599

Omnibus presentes litteras inspecturis. Johannes dictus angelus, salutem in domino sempiternam. Nouerint vniuersi quod domino Jsraeli germano meo karissimo committo auctoritatem et plenariam potestatem de bonis meis mobilibus et immobilibus. supplendi. addendi. et perficiendi. quecumque. minus perfecta. et completa iudicauerit in testamento meo Olustrum ordinata Committo eciam eidem per presens speciale mandatum dandi firmarios wlgaliter(!) dictos fastar in placitis communibus per se aut substitutos a se, super bonis. que ecclesiis legaueram in premisso testamento. Committo eciam eidem principaliter prouisionem et ordinacionem omnium bonorum meorum mobilium et immobilum, dans sibi potestatem obligandi, inpignorandi et disponendi de eisdem prout eidem visum fuerit, meis vtilitatibus expedire, Ratum et gratum habiturus quidquid per eundem in premissis aut in quolibet premissorum, seu eciam in causis alijs, negocijs et rebus me tangentibus, actum procuratum fuerit, siue gestum. Actum et datum apud Olustrum. Anno domini. M°. CCC°. XIIII. in octaua Epyphanie. presentibus testibus subscriptis ad hoc specialiter vocatis. videlicet fratre hemmingo priore fratrum predicatorum arosie. fratre sixstano domino agmundo de bledaker prebendario in ecclesia vpsalensi. domino benedicto presbitero de sundby. jacobo coquo, kætillo. iohanne heggasson. et Esberno villico in olustrum. Jn premissorum igitur robur et euidenciam ampliorem sigillum meum presentibus est appensum.