SDHK-nr: 760

B. Dej gracia dux sueorum, vniuersis in mizalpaz et Angermanaland Habitantibus salutem in domino Nostis si bene recolitis quomodo in presencia domini regis filij nostrj. et nostra. et bone memorie domini. J. quondam archiepiscopj vpsalensis & aliorum quamplurimorum regni suethie in signum obediencie perpetue vpsalensi ecclesie matrj vestre de consilio nostro et mandato quilibet vestrum qui viginti esset annorum et supra. vnum denarium nostre monete vel valorem eiusdem singulis annis in perpetuum promisistis exsoluere insuper et decimas pauperum integre per vnum annum ante terciam per triennium ad supradicte ecclesie edificacionem quod vt plurimum miramur non dum persoluistis. Cum nos deceat et ex potestate nobis a deo concessa ad nos pertineat ea que sancte ecclesie promissa sunt roborare, ac illa precipue que in presencia nostra et cum consilio nostro et consensu fiunt. Jdeo vobis in uirtute obediencie et sub optentu gracie nostre firmiter precipiendo. mandamus vt omnia supradicta vpsalensis ecclesie fideliter persoluatis. prout dilectus cognatus noster dominus. f. archidiaconus vobiscum duxerit statuendum sicut graciam nostram in hac parte promereri volueritis et indignacionem euitare. datum. Harun anno dominj. M°. CC°.L°VII°. in die omnium sanctorum.