SDHK-nr: 1331

Uniuersis presentes litteras inspecturis, Magnus dei gracia electus episcopus vpsalensis, salutem in domino sempiternam. Constituta in nostra presentia nobilis domina Ragnildis erlendi filia, sua nobis assercione declarauit quod lacum quendam dictum Musamyr iuxta siktoniam situm, cum terra, aquis, graminibus, lignis, & ceteris que loci illius esse dinoscuntur, fratribus predicatoribus siktonensibus contulit pleno iure possidendum, cum libero decursu aque de lacu memorato ad spacium trium brachiorum que wlgariter famn denominantur, in latitudinem, tam per agros quam per plana camporum, & hoc usque ad ipsorum molendinum, ne quis in posterum ipsorum commodum & utilitatem per modum aliquem valeat impedire, sicut etiam manifeste patet in instrumento super dicta donacione confecto, & sigillis domini mei regis sweorum illustris, & ipsius domine Ragnildis, quod diligenter inspeximus, roborato, Nos igitur dictam donacionem seruis dei tam rite factam, auctoritate dei qua fungimur, confirmamus. Jn cuius rei confirmacionem sigillum capituli nostri duximus presentibus apponendum. Datum vpsalie anno domini. M°. CC°.LXXX°VI°. Quarto nonis Januarij.