SDHK-nr: 3772

Omnibus presens scriptum cernentibus Elawus bendictson j nærpis salutem in domino sempiternam Per presentes recognosco me venerabili patri ac domino domino B[enedicto] dei gracia episcopo aboensi in octoginta marcis Sweuice monete pro excessibus aliquibus teneri obligatum pro qua pecunia bona mea in finnaby inpignero sub ea que sequitur condicione, videlicet quod si medietas pecunie eiusdem jn festo sancti johannis baptiste jam proximo persoluta non fuerit bonorum predictorum medietas domino Episcopo extunc in meram et liberam cedat possessionem. Hoc notato. quod memorata bonorum medietas a personis discretis taxari debet et pro equo precio estimari vt secundum hanc taxacionem computato primo debito videlicet XL marcis de residuo valoris superexcrescentis mihi satisfiat Jnsuper de residua dimidietate bonorum sepedictorum si residuum debiti videlicet restantes XL marce in alio festo sancti johannis baptiste a festo predicto proximo postfuturo solutum non fuerit statutum est fieri omnimode sub condicione superius edita et formata Jn istorum igitur euidenciam firmiorem quia sigillum proprium non habeo sigillum terre sathagundhie karoli haraldson aduocati aboensis et jacobi andrisæson presentibus appendi peto et apponi Scriptum kumu anno domini M° CCC° XXXI° feria quarta infra octauas Epiphanie.