SDHK-nr: 3046

Magnus dei gracia rex Norwegie et Swecie Omnibus presentes litteras inspecturis salutem in domino sempiternam, quia Constat nobis evidentissime quod mater nostra nobis in christo dilectissima Jngiburgis dei gracia ducissa Sweorum relicta E. [d.v.s.: Erici] ducis et consobrina sua domina Jngiburgis eiusdem gracia ducissa Swechie, relicta domini W. [d.v.s.: Waldemari] ducis, omnes possessiones suas in Aalghø cum agris pratis, siluis, piscariis et omnibus aliis adiacenciis domino Birgero Pætarsson legifero uplandiarum dilecto consiliario nostro, suisque heredibus racione fidelis seruicii donaverant, et pro parte, racione dampni quod tempore guerre multiformiter perpessus est resarciendo, persolverant perpetuo possidendas. Nos donacionem predictam rite et legittime factam auctoritate nostra confirmamus perpetuo valituram, prohibentes sub optentu gracie nostre ne quis ipsam ullo umquam tempore vel per se vel per alium impediat vel infringat Jn cuius rei testimonium sigillum nostrum presentibus est apprehensum [d.v.s.: appensum], Datum in Castro nostro Wardhbærgh Anno domini M.°CCC.° vicesimo in die beate Lucie Virginis.