Koll. 124, op. 1, no. 176

Smolenskarkivet 1604–1611

Textutdrag

Textutdrag Наяснейшего а незвитежоного Великого Государя Жигимонта Третего, Божею Милостью Короля Полского и Великого Князя Литовского, Руского, Пруского, Жемоитцкого, Мазоветцкого, Ифлянского, Кiевского, Волынского, Подолского, Подляшского, Короля Шветцкого, Кгодского, Вандалского, и Великого Княжаты Финлянского, Государя государства Волозского и иных многих славных панств и государств наяснейшего маестату, его Королевскои Милости от воеводы Мстиславского старосты Оршанского Ондрея Ивановича Сапеги, в Смоленск, воеводе и намеснику Смоленскому Михайлу Борисовичу Шеиную. Первее сего писал есми до тебе, на твой лист, о Лисовского и о иных людех подданных его Королевскои Милости Пана нашего Милостиваго, которые, яко ты пишеш, за рубеж, в землю Государя вашего перешедчи, шкоды немалые чинять и кровь хрестьянскую разливают, а знаемуючи, естли то так есть, же то он делают самоволством, над заказом его Королевскiе Милости Пана нашего Милостиваго и панов Рад его Королевскiе Милости. И ты до мене пишешь, в двух листах своих, дивуючися таковому моему писму, что ж и после того твоего листа, опричь Лисовского, многiе Полскiе и Литовскiе именитые паны, князь Адам Вишневетцкой, Миколай Меховитцкий, Марок Виламовскiй, Самойло Тишкеевич, Ян Микулинской, Миколай Велегловской – Корытко, Миколай Горлинскiй, Богухвал и иныiе многие подданные его Королевскiе Милости, пришедчи в землю Московскую, кровь хрестьянскую проливают и землю пустошат; а будто с Государя нашего стороны, в перемирное время, непригоже делается, бо Вишневецкому и Тишкеевичю, и иным таким людем, яко бы на тое дело и помыслити, толко б им на то было не позволено. Ино я тоб и тепере певную и правдивую речь пишу, иже се то все деть над волю и заказ его Королевскiе Милости, якож по всем свете, за грехи людкiе, такая своя воля повстала, которая и погамовать трудно; и то вам не таю, яко многiе люди подданные его Королевскiе Милости Государя нашего Милостиваго, и против самого Государя его Королевскiе Милости повстати и упорнее стояти важилисе: а Бог милостив, его Королевской Милости Государю нашему Милостивому на них помог, и они от войска его Королевскiе Милости распрошаны будучи, и якобы утекаючи, идут, своею волею, с панства его Кололевскiе Милости в чюжiе государства, запевно и правдивее, над заказом его Королевскои Милости; а его Королевская Милость, за особы своея Королевскiе, и их милость панове Рады, перемирье держати хочют непорушне. И до всех нас украиных старостов есть такое розказанье от его Королевскои Милости и от их милости панов Рад, абы есми перемирье постерегали, ничим его не нарушали, и людей своволных за границу не пропускали: нижели тых людей свовольных погамовати и унять не можем; а чыли добрые люди давно напиралися братьи и прiятелев своих неслушных, на Москве задержанных, отъискивати, а его Королевская Милость никому того не позволяет, и о всем мочно бранить и заказует, чинечи им надею, же братья и прiятели их невинне на Москве задержаны, без мешканья выпущены будут. Я якож писал есми о том до Куракина, першего перед тобою воеводы Смоленского, чтоб послов и посланников, и всех подданных его Королевскiе Милости, неслушно на Москве задержаных, заразом выпустить, и он мне отписал на то грубые слова; а я то тебе и теперь пишу, не за безделье, яко мне Куракин отписал, але правдивые слова: естли вы послов и посланников, и всех людей подданных его Королевскiе Милости, в Москве неслушно задержаных, вскоре не выпустите, со всеми их людми и маетностьми, ино через то его Королевская Милость Пан наш Милостивой, послов и посланников и гонцов своих до Государя вашего николи болши посылати не будет, и повинных прiятелй тых людей его Королевское Милости, в Москве неслушно задержаных, завстегнути вжо далей не можете, которые о высвобоженью братьи своей промышляти будут. А посланца бы еси моего ко мне отпустил, не задерживаючи. Писан у в Орши, року тысяча шестьсот осмаго месеца Августа 21 дня. Headline at the top of the first sheet: Список с Литовского листа, что привез от Оршанского старосты от Ондрея Сопеги Оршанин Гриша Полтев 116 году Августа в 16 день.

Textutdrag

Наяснейшего а незвитежоного Великого Государя Жигимонта Третего, Божею Милостью Короля Полского и Великого Князя Литовского, Руского, Пруского, Жемоитцкого, Мазоветцкого, Ифлянского, Кiевского, Волынского, Подолского, Подляшского, Короля Шветцкого, Кгодского, Вандалского, и Великого Княжаты Финлянского, Государя государства Волозского и иных многих славных панств и государств наяснейшего маестату, его Королевскои Милости от воеводы Мстиславского старосты Оршанского Ондрея Ивановича Сапеги, в Смоленск, воеводе и намеснику Смоленскому Михайлу Борисовичу Шеиную. Первее сего писал есми до тебе, на твой лист, о Лисовского и о иных людех подданных его Королевскои Милости Пана нашего Милостиваго, которые, яко ты пишеш, за рубеж, в землю Государя вашего перешедчи, шкоды немалые чинять и кровь хрестьянскую разливают, а знаемуючи, естли то так есть, же то он делают самоволством, над заказом его Королевскiе Милости Пана нашего Милостиваго и панов Рад его Королевскiе Милости. И ты до мене пишешь, в двух листах своих, дивуючися таковому моему писму, что ж и после того твоего листа, опричь Лисовского, многiе Полскiе и Литовскiе именитые паны, князь Адам Вишневетцкой, Миколай Меховитцкий, Марок Виламовскiй, Самойло Тишкеевич, Ян Микулинской, Миколай Велегловской – Корытко, Миколай Горлинскiй, Богухвал и иныiе многие подданные его Королевскiе Милости, пришедчи в землю Московскую, кровь хрестьянскую проливают и землю пустошат; а будто с Государя нашего стороны, в перемирное время, непригоже делается, бо Вишневецкому и Тишкеевичю, и иным таким людем, яко бы на тое дело и помыслити, толко б им на то было не позволено. Ино я тоб и тепере певную и правдивую речь пишу, иже се то все деть над волю и заказ его Королевскiе Милости, якож по всем свете, за грехи людкiе, такая своя воля повстала, которая и погамовать трудно; и то вам не таю, яко многiе люди подданные его Королевскiе Милости Государя нашего Милостиваго, и против самого Государя его Королевскiе Милости повстати и упорнее стояти важилисе: а Бог милостив, его Королевской Милости Государю нашему Милостивому на них помог, и они от войска его Королевскiе Милости распрошаны будучи, и якобы утекаючи, идут, своею волею, с панства его Кололевскiе Милости в чюжiе государства, запевно и правдивее, над заказом его Королевскои Милости; а его Королевская Милость, за особы своея Королевскiе, и их милость панове Рады, перемирье держати хочют непорушне. И до всех нас украиных старостов есть такое розказанье от его Королевскои Милости и от их милости панов Рад, абы есми перемирье постерегали, ничим его не нарушали, и людей своволных за границу не пропускали: нижели тых людей свовольных погамовати и унять не можем; а чыли добрые люди давно напиралися братьи и прiятелев своих неслушных, на Москве задержанных, отъискивати, а его Королевская Милость никому того не позволяет, и о всем мочно бранить и заказует, чинечи им надею, же братья и прiятели их невинне на Москве задержаны, без мешканья выпущены будут. Я якож писал есми о том до Куракина, першего перед тобою воеводы Смоленского, чтоб послов и посланников, и всех подданных его Королевскiе Милости, неслушно на Москве задержаных, заразом выпустить, и он мне отписал на то грубые слова; а я то тебе и теперь пишу, не за безделье, яко мне Куракин отписал, але правдивые слова: естли вы послов и посланников, и всех людей подданных его Королевскiе Милости, в Москве неслушно задержаных, вскоре не выпустите, со всеми их людми и маетностьми, ино через то его Королевская Милость Пан наш Милостивой, послов и посланников и гонцов своих до Государя вашего николи болши посылати не будет, и повинных прiятелй тых людей его Королевское Милости, в Москве неслушно задержаных, завстегнути вжо далей не можете, которые о высвобоженью братьи своей промышляти будут. А посланца бы еси моего ко мне отпустил, не задерживаючи. Писан у в Орши, року тысяча шестьсот осмаго месеца Августа 21 дня. Headline at the top of the first sheet: Список с Литовского листа, что привез от Оршанского старосты от Ондрея Сопеги Оршанин Гриша Полтев 116 году Августа в 16 день.