SDHK-nr: 19476

Omnibus presens scriptum cernentibus Henningus Bythtigh, aduocatus Malmøygensis, Johannes Dæne, proconsul, Andreas Horn, Hermannus Thomeson, Acho Mikelson, consules, Strango Jacobi et Acho Jenisson, villam ibidem, salutem in Domino sempiternam. Constare volumus vniuersis, presentibus et futuris, publice protestando quod sub anno Domini millesimo quadringentesimo vicesimo, feria secunda proxima post festum Phylyppy et Jacobi apostolorum beatorum, constitutus in placito nostro ciuili Haquinus Swenson, nobis presentibus et aliis pluribus fidedignis, honorabili clerico ac honesto domino Jacobo Petri de Høghbi, canonico Lundensi, presencium exhibitori, quartam partem subsolanarem illius curie, quam Petrus Smidh pronunc habet conductiue et inhabitat, ad partem australem tabernarum pannicidarum Malmøyghe site, vna cum fundis, terris, spaciis dicte quarte parti curie pertinentibus, pro pleno precio ac sufficient!, sicut se tunc temporis contentum reddidit totaliter subleuasse, appropriauit, alienauit et in sinum scotauit, jure perpetuo possidendam, obligans se insuper et suos heredes ad appropriandum, liberandum et disbrigandum prefato domino Jacobo et eius heredibus prescriptamt quartam partem curie cum singulis suis premissis pertinenciis pro et ab impeticione et alloqucione presencium et futurorum quorumcumque. In cuius rei testimonium sigilla nostra presentibus sunt appensa. Datum anno, die et loco supradictis.