SDHK-nr: 5520

Vniuersis presentes litteras inspecturis, Gunnildis Hæmings doter relicta domini Anundi Finwydhsson bone memorie. Salutem in domino sempiternam, Tenore presencium recognosco me vnam marcham terre. videlicet sex oras terre in Horne parochia rytro, et duas oras terre in Hornby parochia kolbec Arosiensis dyocesis, quam dilectus maritus meus predictus monasterio montis beate virginis, ob remedium anime sue, vbi suam elegit sepulturam testamentaliter legauit. a. abbatissa que nunc est, seu pro tempore fuerit et conuentu ibidem, pro duodecim thynnonibus annone, et totidem oris denariorum monete nunc currentis locacionis titulo conduxisse. Annis singulis quamdiu dictam marcham terre tenuero in festo sancti martini episcopi. eisdem abbatisse et conuentui, cum debita promptitudine sine aliqua reclamacione cum ipsa predia habere desidero, pro earum voluntate integraliter exsoluendis, Si uero in posterum cum aliquo copulam matrimonialem contraxero, copula autem peracta, extunc promitto me vera fide prefata predia nullo adinuencionis ingenio pro eisdem dominabus de cetero occupandi, sepefate igitur domine pensione exposita, per me soluta, vt prefertur, predia antedicta potestatem habeant pro suis vsibus inmediate reuocandi, Jn cuius rei euidenciam firmiorem sigillum meum vna cum sigillis venerabilium patrum domini fratris Egysli episcopi arosiensis. domini sigmundi episcopi strenginensis. byrgeri alguzson et filii mei karissimi arnwidi kyætilsson duxi presentibus apponenda Scriptum in claustro predicto Anno domini M. CCC. XL septimo crastino vndecim millia virginum.