SDHK-nr: 7074

Omnibus presens scriptum cernentibus . Jacobus Holmgerson miles salutem in Domino sempiternam . Constare volo vniuersis presentibus et futuris quod recognosco me viro discreto ac honesto presencium exhibitori Petro Eskilson in centum quadraginta marchis denariorum nouorum Scaniensium et decem solidis grossorum teneri et esse veraciter obligatum . eisdem Petro Eskilson et suis heredibus per me vel meos heredes die purificacionis beate Virginis nunc proximo venturo in ppromptis(a) denariis et argento et nullo alio precio vel valore integraliter persoluendis . Pro quibus centum quadraginta marchis denariorum et decem solidis grossorum predicto Petro Eskilson et suis heredibus . quatuor curias meas in Lwndom . duas curias meas Thwingægarthæ(1) dictas[,] vnam curiam in Bosarp . vnam curiam in Birkæ . vnam curiam in Mørshøgh in Lwdguthæhæret . et vnam curiam in Fiærthingætoftæ in Nørræ Asbohæret sitas cum estimacionibus . agris . pratis . pascuis siluis piscaturis humidis et siccis nullis penitus exceptis . quibuscumque nominibus censeantur ad curias predictas pertinentibus mobilibus et inmobilibus inpignero per presentes . condicione tali quod si in termino michi prefixo in soluendo defecero . extunc memoratus Pe[t]rus(b) Eskilson et sui heredes curias antedictas cum omnibus et singulis predictarum curiarum adiacenciis sub sua gubernacione et ordinacione recipiant . a predicto termino et per sex annos continuos inmediate subsequentes habituri plenam et omnimodam potestatem colonos et inquilinos in terris antedictis instituendi et destituendi . fructus . redditus pensiones prouentus seruicia et precaria de curiis sepedictis omnia et singula prouenire valentibus(c) percipiendi et leuandi . ac ad commoda sua libere ordinandi . Jsta omnia in sortem principalis summe pecunie et argenti minime computentur . Si autem sepefate curie cum omnibus suis attinenciis vt premissum [e]st (d ) elapsis sex annis antedictis per me vel meos heredes tempestiue et legaliter redempte non fuerint pro promptis centum quadraginta marchis denariorum Scaniensium et decem solidis grossorum sicuti tunc temporis fuerunt quo pecuniam predictam recipi(6) et argentum . extunc omnes curie antedicte cum omnibus et singulis attinenciis suis nullis penitus exceptis quibuscumque nominibus censeantur predicto Petro Eskilson et suis heredibus absque omni additamento vlteriori quod wlgariter tilgift dicitur cedant perpetuo possidende . Obligo me et meos heredes ad appropriandum predicto Petro Eskilson et suis heredibus curias antedictas cum omnibus suis attinenciis vt premissum [e]st(f) ab inpeticione quorumcumque presencium et futurorum[.] Jn cuius recognicionis testimonium et euidenciam sigillum meum vna cum sigillo Petri Holmgersons dilecti fratris mei presentibus est appensum . Datum anno Domini . M° . ccc° . quinquagesimo sexto die beati Michaelis archangeli