SDHK-nr: 4626

Omnibus presens scriptum cernentibus, Nicholaus Dannes, salutem in domino sempiternam [et] Petrus Ericson. Tenore presentis in verbo fidei. intimamus, tam post futuris quam modernis, nos in pretorijs nostris, dictis Hæradsting et landtuidh, sepius fuisse presentes, Nouissime, et in pretorio Staffacher in Norwidinga heradh, scilicet Anno domini. M. CCC. XL. in die sancti Calixti Pape, qui [d.v.s.: quum] Nobilis dominus Carolus Tukæson pupplica approbacione recognouerat, se reuerende et dilecte consorti sue, domine Ramfridh Bænedicts dotter bona sua in Biærgh et in giællstadum, cum molendino, nec non omnibus et singulis eorundem bonorum pertinencijs, videlicet agris pratis, pascuis, siluis, nemoribus, piscacionibus prope seu remocius, intra sepes et extra suis aquosis, cultis vel incultis situatis, racione dotis, dicte HindrædæxgiæfF perpetue possidende [d.v.s.: - da], Stochholmis contulisse. Jn cuius rei euidencius testimonium sigilla nostra presentibus sunt appensa. Datum Anno et die que [d.v.s.: quibus] supra.