SDHK-nr: 4579

Omnibus presens scriptum cernentibus. Martinus dictis duwæ de bollæthorp. in domino salutem sempiternam Noueritis. quod recognosco me. venerabili viro ac honesto. domino holmgero lundensis ecclesie preposito. bona mea. que habeo in bollæthorp. videlicet dimidium bool in quo residet guthbiørn. quod wlgariter dicitur tolkæbol Jtem dimidium skiukæbool in quo residet nicholaus gythæ søn. Jtem dimidium iuglsbool in quo residet thuro. Jtem vnum quadrantem in gaddæbool in quo residet frendo. Jtem vnum quadrantem. qui wlgariter dicitur tolæfiærthing in quo nunc residet magnus thrughutsøn. cum omnibus suis pertinenciis. mobilibus et inmobilibus. pro sedecim marchis argenti. quas recognosco me totaliter subleuasse. per presentes litteras dimisisse. skotasse. et penitus vendidisse. que bona omnia et singula. sibi apropriare et disbrigare ab impeticione quorumcumque me obligo et astringo. Jnsuper obligo me eidem domino holmgero antedicta bona in placito ingilstatheret. scolare personaliter viua voce. cum ab eodem vel ipsius certo nuncio fuero requisitus. Jn cuius rei testimonium sigillum meum vna cum sigillis domini stygoti pætærson militis. et domini iacobi sacerdotis presentibus duxi apponendum. Datum. anno domini. M°. CCC°. quadragesimo. quarta feria pasche.