SDHK-nr: 2578

Birgherus dej gracia sweuorum gotorumque rex. omnibus presentes litteras jnspecturis salutem jn domino sempiternam. Firmam fidem nostrorum fidelium et jndefessa seruicia debita meditacione aduertentes dignum arbitramur et consentaneum racionj, vt eorum necessitatibus et defectibus piis fauoribus consulatur Jdeoque notum facimus vniuersis quod nos discreto viro petro andrisson fideli nostro suisque heredibus ob fidelia seruicia ipsius nobis jmpensa tenerius fundum quendam lyncopie juxta forum jnter curias heredum dominj throtonis de rosløso bone memorie et vddonis fabri situm, dono perpetuo et jure proprietario liberaliter duximus conferendum Jta tamen quod vie communes jmpediantur minime circumquaque. Dantes et concedentes eidem, suisque heredibus plenam et liberam facultatem predictum fundum edificandi habendi possidendi vendendi commutandi distrahendi et alienandi pro sue libito voluntatis Jn cuius facti euidenciam et perpetuam memoriam sigillum nostrum et sigillum nobilis viri dominj kanuti jonsson dapiferi nostri dilecti presentibus sunt appensa Datum nycopie anno dominj M° CCC° XIIIº die beati appollinaris martiris.