SDHK-nr: 5877

Omnibus presens scriptum cernentibus Erikus Gyøkær in Domino salutem sempiternam. Nouerint vniuersi, tam posteri quam moderni, quod discordia et dissensionis cuiuscumque nota, qualitercumque inuente inter discretum virum Tykonem Ysbergh et me de captiuitate quadam pro iniuria, in nobilem militem dominum Throttonem Pætrisson per me minus racionabiliter illata, exorta, sopita, sedata et abiecta nobilium circumstancia, predictus Tyko et ego concordiam vnanimiter iniuimus, omnibus mihi eciam per ipsum dominum Throttonem, cui ipse Deus remuneret, indultis et dimissis, vnde sub fidei articulo compromitto per presentes quod prefatus Tyko, heredes sui, affines vel propinqui, per me, heredes meos seu quempiam mihi quali(!) condicione adhesurum pro premissa captiuitate publice vel occulte minime inclametur vel aliquo ob hoc inuencionis contra(1) ipsum ingenio infestetur. In cuius rei euidenciam sigilla nobilium Gudthormi Byrghersson, Laurencii Olafsson et fratris Jacobi Loon de ordine predicatorum, me sigillum proprium non habente, presentibus sunt appensa. Scriptum anno Domini m°ccc° xl°nono die beati Johannis apostoli et ewangeliste.