SDHK-nr: 6335

Omnibus presens scriptum cernentibus Thidemannus Babbe(?), Benedictus Pætersson, cultores montis ferri, salutem in Domino sempiternam. Vniuersis volumus esse notum nos discretum virum Laurencium Ingebyornnæson suosque heredes pro quindecim millenis ferri cum septem centenis .... discussionem regalis iudicii in placitis generalibus ipsi Laurencio abiudi[catum] et nobis legaliter adiudicatum, eciam pro emenda pecuniaria, dicta saaghøræ, vna cum principali debito prius nominato ab omni impeticione vlteriori nostra vel heredum nostrorum vel quorumcumque se contra hoc intromittencium quittum et liberum dimississe, precludentes igitur ab eo heredibusque suis..........ambiguitatis et calumpniarum materiam eueniencium in futurum. Presentes siggillis reuerendorum virorum et dominorum venerabilis in Christo patris et domini fratris Egisli, diuina permissione episcopi Arosiensis, domini Johannis de Byornaskogh, officialis generalis curie Arosiensis necnon et canonici ibidem, Jerichini Skytthe, aduocati illustris regis Swecie, Magni de Hyorsbergh, nobis propria siggilla non habentibus, procurauimus roborari. Datum apud montem ferri anno Domini m°ccc°l secundo dominica prima septuagesime.