SDHK-nr: 3319

Jn nomine dominj amen. Anno ab incarnacione eiusdem. Millesimo CCC XX quinto. Jn die beati gregorij pape. Ego Olauus canonicus ecclesie lincopensis mente sanus. licet corpore debilis testamentum meum de bonis mihi a deo concessis condo et ordino in hunc modum Jn primis lego ecclesie lincopensi ad vnam prebendam curiam meam in hundabergh ad orientem cum omnibus attinenciis suis sicut in priori testamento meo plenius continetur. Jtem heredibus meis petro. geruato et jngeruni curiam meam in hundabergh ad occidentem. quam heriditaui post mortem kanuti dicti stubba. Jtem karissimo domino meo domino lincopensi crateras meas argenteas. Jtem ad terram sanctam XL marchas denariorum. Jtem fratribus beati iacobi de gladio christi X marchas denar. Jtem fratribus minoribus lincopie XX:ti marchas den. Jtem fratri magno duas marchas puri Jtem fratri laurencio vnam marcham puri Jtem ad altare beati olaui vnam marcham puri pro vno calice faciendo Jtem dominabus in wretum X marchas denar. quas mihi tenetur dominus kanutus folkason pro vno ambulatore et IIII:or marchas dedi eis in priori testamento. Jtem fratribus skeningie V marchas denar. quas debent leuare ab eodem et III marchas denar. dedi eis in priori testamento. Jtem cuilibet claustro et hospitali in osgocia III marchas denar. Jsta omnia sunt soluta preter XV marchas quas dominus kanutus folkasson soluere tenetur Jtem ecclesie mee slaku omnes domos meas in hukurstadhum Jtem ecclesie mee jn flydhisby suppellicium nouum Jtem domino beroni preposito vnum cornu dictum krok, et vnam amphoram stanneam. Domino Erlendo canonico vnum balteum argenteum et tria coclearia argentea et vnam amphoram staaneam. Domino marco colobium meum cum pellibus marderinis et tabardum meum cum capucio cum pellibus variis et cyphum meum argenteum Jtem dilecto cognato meo domino petro qui mihi humiliter seruierat tabardum meum blauium cum duobus capuciis et tunica. et breuiarium meum Jtem cuilibet prebendario et vicario in choro lincopensi dimidiam marcham denar. Jtem dyacono et subdyacono et cuilibet choralium duas oras Jtem birgero campanario II oras et ingolpho famulo suo tantum Jtem ecclesie beate virginis in akæn IIII:or marchas puri argenti Jtem domino hemmingo domini erlendi vicario corsetum meum cum pellibus marderinis Jtem domino sunoni in slaku. colobium meum de fileto et capucio [d.v.s.: - um] cum pellibus marderinis Jtem domino thyrgillo prebendario meo tunicam meam nouam cum capucio Jtem domino johanni in flydhisby colobium meum blauium de sæian Jtem ad augmentacionem prebende quam fundaui de bonis meis in hundabergh II boues. II vaccas II sues cum VII porcellis V. culcedras et IIII:or fulcra VI puluinaria bona. cum vno supellectile dicto thækan et vnum kylth. tria mensalia et vnum manutergium. I magnam ollam cum alia minori. vnam caldariam dictam humblakætil cum alia minori I amphoram stanneam magnam cum alia minori. Et hoc volo quod ista omnia sint cum bonis prius datis pro inuentario perpetuo obseruando [d.v.s.: - da] Jtem successori meo II equos. II boues. III vaccas II sues V:que culcedras IIII:or fulcra VI puluinaria bona. vnum supelectile dictum thekan I kylt III mensalia II manutergia. ornatum duarum stuparum. Jtem ornatum duorum hospiciorum. vnam caldariam magnam braxatoriam vnam magnam ollam cum alia minori Jtem I paruam caldariam I mortara cum suo plectro I watukar et vnam peluim. II amphoras stanneas. Volo quod omnia ista sint pro inuentario perpetuo obseruanda. Jtem arnoldo ciui skæningensi vnum cornu dictum kroka. et vxori sue .M. ambulatorem quem dominus meus lincopensis mihi tenetur. Jtem filie clementis in skeggiathorpe Olouo I caldariam I fulcrum II lintheamina tapetum meum blauium cum I thækan. duo puluinaria et I cussinum Jtem dementi I caldariam dictam humblakætil cum II ollis et vectigalia mea dicta løskiut Jtem geruato I equm cum sella et gladio Jtem domino thoriro V marchas denar. cum Imo psalterio Jtem katerine villice mee in masparløso I vaccam quam habet bille jtem cristine ænglico I puluinar Jtem I pedicale magnum ad altare beate virginis Jtem wielmo III marchas denar. et vxori sue I vaccam Jtem filie ingeronis I vaccam que est in rydhe Jtem gunnaro sellam cum freno et polidro quem habet p. in kyle et III marchas denar. Jtem eugundi villice mee I fulcrum I culcedram I puluinar II linthiamina. I skidhaklædhe et III marchas denar. Huius autem testamenti mei exequtores ordino et constituo discretos viros dominum erlendum concanonicum meum dominum marcum sacristam et dominum thyrgillum prebendarum Ad horum eciam euidenciam pleniorem sigillum venerabilis patris domini karoli dei gracia episcopi lincopensis cum sigillo capituli eiusdem. et sigillis supradictorum exequtorum vna cum meo proprio presentibus sunt apensa. Datum et actum lincopie die et anno supradictis.