SDHK No: 824

Date of issue

1264 utan dag

Place of issue

Kungs-Husby

Kung Valdemar (”W”) och Birger (”B”) jarl vidimerar kung Eriks och kung Johans brev (av 1210-1216 resp. 1216-1222, DS 829 och DS 831) till systrarna i Sko kloster rörande vissa ägogränser, stadfäster dessa samt tar systrarna under sitt beskydd och förbjuder alla att ofreda dem rörande deras ägodelar.

Language

latin

Sources

Post-medieval copy: Peringskiöld: E 6:28 (e. B 9); Örnhielm: VII p. 453 (e. or.); B 9, f. 75, 83v, 93, RA 0202
Post-medieval summary/annotation: ERA, RA:s ämbetsarkiv

Document text

Universis Christi fidelibus præsentes litteras audituris vel visuris W. D. G. Rex Svethiæ, nec non et pater suus B. eadem gratia Dux ejusdem Regni salutem in filio virginis benedicto. Brevis vita mortalium res utiliter gestas ad posterorum notitiam non extendit, nisi presentium providentia procuretur, ut scriptura superstite fiat annosum, quod mors vel oblivio longinquitate temporis poterant abolere. Notum igitur facimus universis, tam præsentibus quam futuris, dilectas nobis in Christo dominam Priorissam et sorores de Sco, nobis quasdam confirmatorias litteras presentasse, quas Illustres Domini Ericus et Johannes quondam Reges Svethiæ felicis recordationis jam prædictis sororibus super quarundam possessionum limitatione, exigente justitia, duxerant concedendas, quarum tenorem de verbo ad verbum subsequentibus duximus inserendum. Se Tillägget för 1210-1216 och 1216-1222. Et quia prædictas confirmationes cognovimus rationabiliter esse factas, nos auctoritate nostra ratificamus easdem, adjicientes insuper tenore præsentium, omnibus ad quos scriptum præsens pervenerit intimando, nos sæpedictas dei famulas sub nostram protectionem specialiter suscepisse pariter et tutelam, sub obtentu gratiæ nostræ districte mandantes, quatenus nullus sub nostra potestate constitutus, easdem Christi famulas super possessionibus earundem contra justitiam aliquatenus perturbare præsumat. Si quis autem ausu temerario contra mandati nostri tenorem facere præsumpserit in hac parte, pro certo scire debet, quod tam in persona quam in rebus gravem indignationis nostræ sentiet ultionem, Datum Husaby Trøgh Anno Domini M. CC.LXIV.

Printed

se pdf av tryck

Literature and comments

Efter avskr. av detta brev i B 9, f. 75f, följer avskrifter av kungarna Eriks och Johans brev samt orden: ”Sigilla duo, unum 3 leon., alterum uno leone”.

Amended

2015-06-05